NOI

Open Now

Now Closed

四季酒店入面每一間餐廳都好出名，雖然價錢不菲，不過去過既人都會覺得物有所值。最近見酒店有間新餐廳 - NOI，食Fine dining，主打時令食材配搭。忌廉海膽意粉，海膽忌廉輕輕打成泡沫 食落好輕盈 減少左忌廉厚重嘅感覺。面頭嘅海膽份量好多好鮮甜，而且好新鮮。配上食用花唔單止美觀 食落仲有陣香味，所有食材配埋一齊恰到好處。黑松露和牛，和牛油脂豐富 但食落唔會好油膩。配上黑松露嘅香味 同我以往食過嘅松露味唔一樣，呢款好香好香 唔係平時啲人講嘅gas味，雖然份量好多，但係聞起都唔會好攻鼻，可能唔鍾意食黑松露嘅朋友都會接受到。餐廳有好多款酒類/non-alcoholic配搭當天tasting menu，我地選擇左Champagne，Staff推介Ernest Remy法國香檳，配上環境和食物，廚師同staff好專業，整個過程都令人好享受。