Video
Read full review
2016-07-21
7519 views
近期好多親子網和媒體介紹，一個小孩有得玩、大人有好西吃的親子餐廳，咦! 好近KissKidsFamily喎，梗係要試吓啦，用Whats App訂位，好full，下午只做包場，weekends晚上排到3個月後，weekdays好少少，有少量位可book。我家小姐6月13日考完試，我這個經理人已為她安排好了一整天的節目，慶祝大家都放監，一於輕鬆吓。考完試放學，先帶她去了她最愛的餐廳... 麥記😅，再約了幾個🐢蜜同學仔回家開party，晚餐就book這間炎咲自煮理平板燒概念店試吓啦! 星期一閒日都要排後補，幸好最終都有位可帶小姐少爺去玩個夠。 晩上7時多去到，已有不少小朋友玩緊...<這兩張照片是進餐時間拍攝的，如想避免太多小朋友同一時間玩耍，小朋友可吃快一點，人玩我食，人食我玩!>年紀較小的小朋友最好有家長陪同，因為地方不大，小朋友玩得癲起上嚟，年紀較小的很易會被撞親(職員有空時也會睇一睇個場，但大部分時間都要忙著招呼客人)；年紀稍長的家長，可以透過玻璃窗或閉路電視𥄫住佢哋...食物是逐枱輪住上桌的，我們被安排坐第一枱，最先上菜，所以我家小姐和少爺最先食完又入過去玩。飲品是
我家小姐6月13日考完試，我這個經理人已為她安排好了一整天的節目，慶祝大家都放監，一於輕鬆吓。考完試放學，先帶她去了她最愛的餐廳... 麥記😅，再約了幾個🐢蜜同學仔回家開party，晚餐就book這間炎咲自煮理平板燒概念店試吓啦! 星期一閒日都要排後補，幸好最終都有位可帶小姐少爺去玩個夠。
晩上7時多去到，已有不少小朋友玩緊...<這兩張照片是進餐時間拍攝的，如想避免太多小朋友同一時間玩耍，小朋友可吃快一點，人玩我食，人食我玩!>
年紀較小的小朋友最好有家長陪同，因為地方不大，小朋友玩得癲起上嚟，年紀較小的很易會被撞親(職員有空時也會睇一睇個場，但大部分時間都要忙著招呼客人)；年紀稍長的家長，可以透過玻璃窗或閉路電視𥄫住佢哋...
食物是逐枱輪住上桌的，我們被安排坐第一枱，最先上菜，所以我家小姐和少爺最先食完又入過去玩。飲品是自取無限飲形式:
沙律和湯不是主打，不多介紹了:
兒童餐都幾削😣，不過小朋友掛住玩，都唔會點理食物質素:
大人餐逐份逐份上，第一份是手抓餅:
蔬菜瓜果、海鮮和肉類:
自己調味，落幾多黑胡椒、鹽、檸檬汁，適隨尊便:
其實就是沒有鐵板師傅，你自己燒、落味、剷掉板上的黑焦，一手包辦，當玩吓平板燒都唔錯嘅！個人最喜歡的是海鮮，用黑椒和鹽吊出鮮味:
因為又要掛住扮鐵板師傅、又要照顧兩隻小鬼頭，好多食物都沒有特別拍照，吃得夠飽，兩隻小鬼又入了遊戲室玩，得閒啲先又影吓相；生菜包牛肉粒，中和了飽飽膩膩的感覺:
把蛋打在蕃茄圈內煎，灑上黑椒和鹽調味，伴白飯吃，好味! 簡單又易整，這個可在家照版煮碗玩吓噃:
食埋嚿又滑又煎得香嘅魚，飽哂咯!
最後的菠蘿片用來消吓滯:
甜品不會太甜膩，少少地ok噃:
總括而言，大人的食物是不錯的，但三百餘元不是太值啦，小朋友餐更唔抵，價錢有一大部分該是去了遊戲室吧，而且好難book，試一次還可以，但短期內應該不會再去了，不過... 以上只是大人的comment，最重要的... 還是主子們的comment吧! 臨走時，少爺興奮的拋下一句:"我哋明天又來玩過吖!" 應該好滿意，之但係... 唉! 少爺，你真係唔知幾難先就到期，唔係你話嚟就嚟㗎!Post
