廚十三老壇酸菜魚 (渣甸街) (Closed)

而家唔返大陸，但又好掛住酸菜魚，唯有喺香港揾間酸菜魚過下癮。喺公司附近揾咗間酸菜魚，估唔到都幾多人幫襯，全店滿座，見到枱枱都有一碟酸菜魚，睇落唔錯。叫咗個二人份酸菜魚，其他配料要另外加錢。二人份酸菜魚都好大份，其他調味配料好似係辣椒、酸菜、花椒等都落得好豪氣，仲有菊花瓣做點綴，成道菜個顏色好靚。魚肉薄薄地一片，肉質幾滑，而且食咗咁多舊完全冇骨，啱晒啲唔識食魚骨嘅人。我哋另外再叫咗寬粉，佢同出面其他寬粉唔一樣，比較厚身同有咬口，而且佢吸晒個湯嘅麻香同酸味，幾好食。除咗酸菜魚我哋仲叫咗其他小食呢個麻辣雞腳辣得好過癮上上簽雖然佢寫係有兩隻辣椒但其實又唔係真係咁辣。竹籤上邊插着蓮藕、椰菜花、雞腳、海帶等等，每款大概有兩三條。個汁嘅麻味都幾重，好過癮。另外再叫咗解辣嘅菜心，同埋一個叫雨露均沾嘅甜品。其實佢係炸咗嘅米糕，再點d黑糖食。佢炸到外脆內軟，作為飯後甜品一流。