関東酒場 (Closed)

朋友係酒鬼，前幾日dinner佢帶我黎左大角咀既關東酒場試左個日本清酒放題，平時食日本放題就多，估唔到香港都有sake放題，好令人surprise！話明清酒放題，梗係可以試唔同既清酒啦，餐廳提供左酒既介紹menu,可以按自己喜好選擇，又或者自係櫃入面睇住黎選。一坐低，店員會比你選擇一個自己喜歡既清酒杯。個人比較推介柚子酒同作清酒。前者用左新鮮柚子，味道甜甜地易入口，但又無遮左清酒既味道。後者就after test重啲，小酢多滋味！另外，飲酒前既雞蛋蒸都好正，蛋味濃又夠滑。關東煮最岩用黎下酒。豉椒炒蜆，夠晒味道，飲飲下清酒想食啲濃味野首選。食返碗雞皮烏冬都夠飽肚，雞皮好香，唔會太鞋口！