Video
Read full review
2022-10-08
1413 views
自從喺夏威夷食過POKE後一直念念不忘，呢間店亦收藏左好一段時間，但因為比較少落銅鑼灣，一直冇咩機會食！今次經開中午終於食到！中午一點幾唔洗等位直入，入面唔大但幾舒服個裝修。落完單都幾快上菜食得，食物都係主要以刺身為主食再配飯或者沙律菜+啲唔同嘅配料醬汁。 🏝加州風味Califonia $98 ★★★★☆ 三文魚刺身配青瓜、雞蛋絲、三文魚子加上果仁芝麻醬，簡左壽司飯+沙律菜，三文魚比想像中多，食落新鮮有口感，但食唔太到有三文魚味，更多嘅係佢醃左嘅咸味同個醬汁，有少少可惜。壽司飯本身已經用左壽司醋調左味道，加埋實唔會出錯嘅芝麻醬，好正，但食唔出果仁味，似一般芝麻醬。成個飯一啲都唔單調，青瓜食落清爽解膩，雞蛋絲三文魚子又令到口感更豐富。而沙律菜都有半碗，夠新鮮爽脆，佢冇撈到芝麻醬，除左撈埋飯一齊食外，推薦大家問店員拎芥末醬，少少似芥末沙律醬，撈沙律一流！ 🏝自選風味碗 $98 ★★★★☆自選彈性大好多，唔會限死住，食慣左特定嘅指定款式都可以轉轉口味。簡左三文魚壽司飯，配料有得選三款，簡左海帶芽、酸蘿蔔、紫洋蔥，醬汁要蜜糖香醋汁，調味料有得選好多款，差唔多要哂有紫菜絲、芝麻、木魚絲、海鹽、脆
自從喺夏威夷食過POKE後一直念念不忘，呢間店亦收藏左好一段時間，但因為比較少落銅鑼灣，一直冇咩機會食！今次經開中午終於食到！中午一點幾唔洗等位直入，入面唔大但幾舒服個裝修。落完單都幾快上菜食得，食物都係主要以刺身為主食再配飯或者沙律菜+啲唔同嘅配料醬汁。
加州風情
47 views
0 likes
0 comments
加州風情
$98
114 views
0 likes
0 comments
🏝加州風味Califonia $98
★★★★☆
三文魚刺身配青瓜、雞蛋絲、三文魚子加上果仁芝麻醬，簡左壽司飯+沙律菜，三文魚比想像中多，食落新鮮有口感，但食唔太到有三文魚味，更多嘅係佢醃左嘅咸味同個醬汁，有少少可惜。壽司飯本身已經用左壽司醋調左味道，加埋實唔會出錯嘅芝麻醬，好正，但食唔出果仁味，似一般芝麻醬。成個飯一啲都唔單調，青瓜食落清爽解膩，雞蛋絲三文魚子又令到口感更豐富。而沙律菜都有半碗，夠新鮮爽脆，佢冇撈到芝麻醬，除左撈埋飯一齊食外，推薦大家問店員拎芥末醬，少少似芥末沙律醬，撈沙律一流！
30 views
0 likes
0 comments
48 views
0 likes
0 comments
🏝自選風味碗 $98
★★★★☆
自選彈性大好多，唔會限死住，食慣左特定嘅指定款式都可以轉轉口味。簡左三文魚壽司飯，配料有得選三款，簡左海帶芽、酸蘿蔔、紫洋蔥，醬汁要蜜糖香醋汁，調味料有得選好多款，差唔多要哂有紫菜絲、芝麻、木魚絲、海鹽、脆蒜片。酸蘿蔔出奇地同個香酸汁好夾，爽脆之餘夠哂酸，食落比起加州風味更加之清爽，此終冇沙律醬、芝麻汁咁杰身。加埋木魚絲、海帶芽更日式，咸咸地有種食日本炊飯嘅FEEL。怕肥嘅大家絕對要選蜜糖香醋汁，比想像中更好味。
雙檸梳打
$28
38 views
0 likes
0 comments
雙檸梳打 $28
★★★☆☆
檸檬加青檸加梳打，有蜜糖係底，攪勻後都唔算太甜。但個人覺得唔夠酸，即使我已經狂桔。
總結：健康又輕型，食完完全冇油膩感太大負擔，夏日食真係一流，凍凍地開胃。價錢算係咁，喺港島區，成碗份量唔算少，配料多又新鮮，真係值得一試，絕對會Encore!
Post
