人生有限杯.串燒店

Open Now

Now Closed

呢度串燒種類都幾多喎❣️留意到好多自創串燒喺第二度無見過🤭串燒最平$10就有，喺香港嚟講真係勁抵食！豚肉荔枝卷 ⭐️⭐️⭐️⭐️⭐️呢個要encore👏🏻用豚肉卷起嚟包住荔枝，荔枝燒過後甜味更加出，但咬落去仍然keep到爽脆口感，估唔到配埋豚肉係咁好食🤤韓風燒牛肋肉 ⭐️⭐️⭐️⭐️⭐️我好鍾意韓風串燒，因為韓式醬汁食落甜甜地又帶少少辣，牛肋肉有嚼口但係唔會韌！建議餐廳做多啲韓風類串燒，咁我就可以食多啲款🤤免治雞肉棒配日本蛋 ⭐️⭐️⭐️⭐️⭐️好鍾意免治雞肉咬落去有一粒粒肉嘅口感，點埋醬油同蛋液當然無得輸，每次見到餐牌有都必點！流心蛋薯仔沙律 ⭐️⭐️⭐️⭐️⭐️我自己自私食晒1個🤣流心蛋煮得剛剛好切落去蛋醬流晒出嚟，唔好以為薯仔沙律好普通，要整得好食都要好講究，呢度就值得攞滿分嘞❤️日式淮山配世一蛋黃醬 ⭐️⭐️⭐️⭐️⭐️其實喺俾佢個「世一蛋黃醬」吸引到，淮山本身無咩味道，將淮山炸到外脆內軟，點落特製蛋黃醬真係好正，我諗呢個醬用嚟食薯條或搽麵包都會勁正👍🏻港式蜜糖多士夾雪糕 ⭐️⭐️⭐️⭐️⭐️最後都係要食甜品🤣多士塗滿蜜糖再燒到脆卜卜，夾上大大舊雪糕極邪惡！