Video
Read full review
2022-11-29
885 views
推薦： 🍉🍉🍉 (5/5) 味道： 🍉🍉🍉 (3/5) 價錢： 🍉🍉🍉 (3/5) 打卡： 🍉🍉 (2/5) 位置： 🍉🍉🍉 (3/5) 回訪： 🍉🍉🍉 (3/5) 招牌海龍皇湯米線 $138 🍉🍉因為YouTube睇完介紹片之後嚟試，YouTuber形容到好誇張地好食，驚為天人咁濟，所以$138一碗米線都揸實個拳頭叫咗嚟試🙈 店家話個湯底以新鮮蝦、蝦子、花蛤、龍蝦熬製8個鐘而成，無加味精，個味道係點呢，exactly就係大家想像嘅龍蝦湯味道，一模一樣，我個人覺得完全無驚喜，講到用咗咁多海鮮，但係唔覺得海鮮嘅鮮味好突出，跟米線一齊上嘅龍蝦亦都唔知係咪因為熬咗湯，所以肉質已經唔彈牙，有少少韌，menu張米線圖仲有其他海鮮裝滿哂成碗亦都係圖片只供參考(我個碗淨係得2粒帶子+2粒蜆)，不過無味精就應該係真嘅，食哂成碗之後都唔會覺得口渴，只係可能我期望太高🙈酸辣牛魔皇米線 $62 🍉🍉呢個就比較普通，個酸辣湯底唔係熬出嚟，而係普通湯底+辣油+炸醬榨菜，不過牛肉都幾好，份量都幾多，食落幾嫩滑，唔韌油醋海蜇花 $58 🍉🍉🍉勝在海蜇花本身口感夠特別，好彈牙，同
推薦： 🍉🍉🍉 (5/5) 味道： 🍉🍉🍉 (3/5)
價錢： 🍉🍉🍉 (3/5)
打卡： 🍉🍉 (2/5)
位置： 🍉🍉🍉 (3/5)
回訪： 🍉🍉🍉 (3/5)
招牌海龍皇湯米線
$138
34 views
0 likes
0 comments
因為YouTube睇完介紹片之後嚟試，YouTuber形容到好誇張地好食，驚為天人咁濟，所以$138一碗米線都揸實個拳頭叫咗嚟試🙈 店家話個湯底以新鮮蝦、蝦子、花蛤、龍蝦熬製8個鐘而成，無加味精，個味道係點呢，exactly就係大家想像嘅龍蝦湯味道，一模一樣，我個人覺得完全無驚喜，講到用咗咁多海鮮，但係唔覺得海鮮嘅鮮味好突出，跟米線一齊上嘅龍蝦亦都唔知係咪因為熬咗湯，所以肉質已經唔彈牙，有少少韌，menu張米線圖仲有其他海鮮裝滿哂成碗亦都係圖片只供參考(我個碗淨係得2粒帶子+2粒蜆)，不過無味精就應該係真嘅，食哂成碗之後都唔會覺得口渴，只係可能我期望太高🙈
酸辣牛魔皇米線
$62
14 views
0 likes
0 comments
呢個就比較普通，個酸辣湯底唔係熬出嚟，而係普通湯底+辣油+炸醬榨菜，不過牛肉都幾好，份量都幾多，食落幾嫩滑，唔韌
油醋海蜇花
$58
16 views
0 likes
0 comments
勝在海蜇花本身口感夠特別，好彈牙，同海蜇嘅分別係：海蜇花碟啲，個彈牙程度係咬完啲牙會有少少回彈嘅感覺😂 個人覺得醋味再濃啲都可以，衣家似係就咁麻油撈海蜇花
桂花蜜糖雞翼
$25
11 views
0 likes
0 comments
望落蜜糖好似唔算多，不過其實雞翼上下都有+有啲流咗落隻碟度，所以食落都幾重蜜糖味👍 雞翼炸得好香脆，就算外層俾蜜糖包住，層雞皮都仲係好脆，雞肉嘅肉汁唔算太juicy，不過有蜜糖加乘，唔會覺得好dry，係當日咁多碟小食當中最滿意嘅一款
黃金炸魚皮
$35
14 views
0 likes
0 comments
好可惜我哋呢份唔太夠鹹蛋黃，食落似就咁原味炸魚皮，所以唔係太試到招牌嘅鹹蛋黃+芝士係有幾好食sosad😢 (個陣睇片，個位YouTuber嘅炸魚片係成塊都金黃色，同我哋食個碟完全唔同🙈) 魚皮份量都幾多，炸得幾酥脆，唔會太硬/淋哂，炸粉層好薄，以原味炸魚皮嚟計都幾好食
後記
💟 睇到YouTube有人介紹到超好食，所以專登走去試，係好食嘅，不過有無吹捧到咁好食呢，我又唔覺，可能係因為知YouTuber拍嘢所以整得特別好
📍 原作養生湯米線
地址：紅磡必嘉街120號黃埔花園三期翠楊苑地下34號舖
Post
