NeNe Chicken (新都會廣場) (Closed)

其實係上個月剛去完首爾，食了這家NeNe Chicken 覺得十分好味，又見葵芳剛開，就去試吓。我喺首爾是叫外賣的，今次喺香港就堂食。即日電話訂座，估唔到俾我訂到，星期五晚上8:00。當晚我們早到，未能安排座位，所以等了一陣，其實都幾多人等位，仲有人等外賣添。店內座位不多，裝潢有點像快餐店。座位較窄，但燈光明亮，服務員好快遞上餐牌，餐具。原本想叫他們幫我地換過餐碟，但見我們三隻碟都是一樣的破，心諗應該都冇幾多隻碟係完整的，就算喇，希望下次黎的時候已經換過新碟。食物方面，我們點了雙拼炸雞，分別係初雪(即是芝士)及大蔥冇骨炸雞。我覺得初雪好味啲，芝士味濃，不錯。大蔥則一般。另外叫了芝士辣炒年糕伴麵及一款都是雙併小食，芝士炒年糕併韓式豬腸炸紫菜粉絲卷。炒年糕口感QQ 的帶辣，小朋友應該食唔到。至於炸紫菜粉絲卷好似食血腸，我不太喜歡。份量對於我們三人來說，真係食唔晒，所以叫店員俾個外賣盒帶走。總結，食品都是韓國食好味啲，店員服務ok, 餐碟要換。