越北牛肉粉專門店

Open Now

Now Closed

好耐冇食越菜喇，得知附近開咗間新餐廳叫越北牛肉粉就嚟試下，點咗兩個Tea Set。越北綜合牛肉湯檬粉 $60（生牛肉、牛腩片、牛肉丸）Tea Set 嚟講碗粉都幾大碗，牛肉都幾多，牛腩都夠軟腍，牛肉丸牛汁味好濃我鍾意，湯底用牛骨湯去熬，整體都幾好味😋。越北三寶湯金邊粉 $65（香茅豬扒、香茅雞翼、扎肉）香茅豬扒好大塊，香茅雞翼都炸得好脆，豬扒同雞翼嘅香茅味道好香好正，札肉就都OK。馬拉盞灼通菜 $22我鍾意食通菜，貪佢咬落夠爽口，都幾抵食。峴港炸蝦餅 $30炸蝦餅最緊要點個酸辣醬，蝦肉都彈牙，唔錯。熱蜂蜜玫瑰柚子茶 (套餐加配特飲$8)真係有啲玫瑰係度，配埋柚子嘅香味，又好飲又健康。越南椰汁冰咖啡 (套餐加配特飲$8)咖啡味道香濃，椰汁如果可以多啲仲好。