Pati by Lassana (Closed)

今日無聊聊好想食蛋糕，行過鋪頭見到做promo，其實唔係減好多，不過個賣相幾吸引，望多兩下就決定買呢個焦糖芝士蛋糕。返到屋企急不及待攞蛋糕出泥先發覺佢係用木盒裝，真係第一次見，成本都幾高喎，打開木盒即時嗅到濃烈既芝士香味，我唔係好識切蛋糕，切開之後蛋糕開花，但無散開證明蛋糕真材實料，食落芝士味真係夠濃，焦糖唔太甜啱哂我，但係有些少軟同濕，所以食完喉嚨會有野粘住咁，配熱茶一齊食應該會唔錯，我齋食無飲茶係爭咁啲。因為屋企人唔食芝士，一個人又無可能食哂成個蛋糕，所以第二日攞左返公司同同事分享，個個都讚不絕口問我喺邊樹買想再食，哈哈！