茶墨 (Closed)

前幾日同朋友喺尖沙咀The One睇戲，睇完戲想買啲嘢飲，於是就嚟咗呢間茶墨。聽佢個名就知道係一間好有藝術氣息嘅飲品店。店鋪喺The One 4樓，一去到已經俾佢地嘅搞笑嘅連豬吸引住，忍唔住幫佢影張相先。估唔到係有座位可以坐喺度飲，而且裝修同埋裝飾都幾靚。座位處嘅綠葉俾人感覺好清新，舒服。飲品選擇唔多，但係全部好似都幾靚。價錢中等，唔算太貴。我點左一杯麻薯芝麻烏龍鮮奶茶$39，賣相同張相一樣好似潑墨一樣，好有藝術感。飲品只得一個size，都OK大杯。飲落去口感係非常香醇嘅芝麻味加濃厚嘅烏龍奶茶味。配麻薯好夾。下次可以買杯飲品，然後同朋友坐喺度一個下晝傾偈。不過唔好揀星期六日嚟，超級多人！