屋子生活 (Closed)

原來馬鞍山已經比早2年多咗好多美食餐廳啦，不過要係烏溪沙站找到一間黃店食飯，好似只得呢間咋！Café 的設計走日系風，高樓底，木枱木凳，行到餐廳最入面有tatami區，望著玻璃窗外，真係好似去咗日本咁～溫泉玉子牛肉丼 (HK$72)．最正緊係隻温泉玉子，漲卜卜，一篤就流出嚟，正😍．多片牛肉鋪滿成碗，足料．整體來講是不錯👌🏻味噌湯、沙律、桂花烏龍茶 (+HK$25)．桂花烏龍茶：桂花味出色，烏龍茶也不錯．味噌湯：有多海帶和豆腐，足料．沙律新鮮的，多款蔬菜．仲有海藻做前菜焙茶麻糬梳乎厘 (HK$69)．新鮮出爐時都幾高挺的，好有彈力，比我影完之後就凹咗🤭．梳乎厘都幾軟綿綿，有焙茶味，裡面也有好幾粒白玉麻糬，整體不錯👌🏻走嘅時候，可以喺門口度睇下手作家品。