Video
Read full review
2024-12-02
256 views
收工要去北角匯買野，咁順便食埋飯，今次就揀左濟州燒肉食堂，見到個一級五花肉餐幾吸引，環境又唔錯，咁決定試一下。<配菜>食韓國菜，第一樣食當然係配菜，呢度都唔慳，有7款配菜，各有特色，份量都唔少，首推蕃薯蓉同埋菠菜，而泡菜都有多款，餣得幾入味。另外爐邊仲有粟米芝士同埋泡菜煎蛋，仲可以無限添加!<一級五花肉>話明係一級五花肉餐，主角當然係五花肉，但估唔到比兩大塊，望到都已經夠飽了。五花肉一放上已經香氣四溢。我覺得厚度岩岩好，如果唔係就外邊煎香但裏面未熟。燒完職員幫手煎細塊，再點韓式辣醬同生菜包住，外冷內熱，五花肉滲上油香，令你不禁想不斷食。<和牛牛五花‧安格斯牛外裙肉‧牛小排>和牛牛五花油花好靚，入口即溶，就咁用鹽調味就足夠。安格斯牛外裙肉就厚切，但外脆內軟，肉質軟嫩多汁，點韓式辣醬幾match。最後牛小排就牛味十足，相對較有口感。<厚切鰻魚>厚切鰻魚反而係全場驚喜，原因我好驚出面食鱔，因為怕腥同多骨。但呢度的鰻魚真係喜出望外，首先魚皮煎香後好脆口，而魚肉肉質夠爽彈，咬落去又充滿油香，最重要係無骨，啖啖肉，真心推介。<
<配菜>食韓國菜，第一樣食當然係配菜，呢度都唔慳，有7款配菜，各有特色，份量都唔少，首推蕃薯蓉同埋菠菜，而泡菜都有多款，餣得幾入味。
另外爐邊仲有粟米芝士同埋泡菜煎蛋，仲可以無限添加!
<一級五花肉>話明係一級五花肉餐，主角當然係五花肉，但估唔到比兩大塊，望到都已經夠飽了。五花肉一放上已經香氣四溢。我覺得厚度岩岩好，如果唔係就外邊煎香但裏面未熟。燒完職員幫手煎細塊，再點韓式辣醬同生菜包住，外冷內熱，五花肉滲上油香，令你不禁想不斷食。
<和牛牛五花‧安格斯牛外裙肉‧牛小排>和牛牛五花油花好靚，入口即溶，就咁用鹽調味就足夠。安格斯牛外裙肉就厚切，但外脆內軟，肉質軟嫩多汁，點韓式辣醬幾match。最後牛小排就牛味十足，相對較有口感。
<厚切鰻魚>
厚切鰻魚反而係全場驚喜，原因我好驚出面食鱔，因為怕腥同多骨。但呢度的鰻魚真係喜出望外，首先魚皮煎香後好脆口，而魚肉肉質夠爽彈，咬落去又充滿油香，最重要係無骨，啖啖肉，真心推介。
<蘋果梨汁雞肉>
雞肉明顯有質素，食落去有咬口，而味道真係有果汁的甜味，用蘋果同梨汁去餣幾新鮮的配搭。
整體而言，燒肉最重要係肉的質素，呢度每款肉都唔錯，尤其係五花肉同埋厚切鰻魚。呢個餐份量其實都唔少，加埋可以添加的配菜，其實3個人食都一定夠。如果想坐得舒服，一路燒，一路同朋友吹下水，呢度係你選擇之一。
Post
