抖蛋馬來西亞古早味蛋糕 (啟德) (Closed)

食過台灣古早味蛋糕，但馬來西亞古早味蛋糕就未食過，甘岩經過就買左經典原味同流心咸蛋黄味兩款食。除左原味同咸蛋黄味，仲有爆漿芝士同霸氣榴槤味架。另外仲有一種叫肉鬆小貝既蛋糕賣。蛋糕每日新鮮即做，不添加防腐劑同香料，使用天然食材，食得安心啲。經典原味同流心咸蛋黄味。附有刀同手套，好貼心。經典原味口感綿密，蛋糕鬆軟，蛋香味頗重。流心咸蛋黄味在原味既基礎上加左兩層邪惡既咸蛋黄，口感層次更加豐富，一次唔會食得晒，不過唔一定要即日食晒，擺雪櫃可以保存兩日，再攞出黎食都好食架。