Brick by Brick (Closed)

產後復工要CHILL一下~今日同事帶我嚟咗中環蘇豪區呢間Brick by Brick 食dinner，餐廳主打馬來西亞菜，用餐環境舒適，尤其係放工過嚟更加放鬆。因為未試過馬來西亞菜，所以點咗二人套餐。小食1份點咗脆炸梅子一口雞，外皮金黃酥脆肉質鮮嫩，食落有淡淡梅子香味。主食要咗肉骨茶&惹味肥牛叻沙湯麵。肉骨茶湯底濃郁，香氣四溢，搭配豐富的配料，係正宗馬來西亞肉骨茶，非常適合女士們補身，尤其係產後媽媽。叻沙湯底香濃，牛肉微辣鮮味，令人食指大動。飲品要咗話梅桃膠羅漢果茶，清新可口幫助解膩；同事點咗柚子伯爵茶，茶香柔和清爽怡人。如果大家想試吓正宗馬來西亞肉骨茶，不妨嚟呢度試吓。餐廳唔止baby friendly，仲係pet friendly。