SEDAP惹味馬拉 (Closed)

想食馬拉菜就梗係要來屯門嘅呢一間SEDAP啦。室內環境裝修簡潔，服務員有禮，而且每一台都會有一壺水，唔需要下下都麻煩到服務員，而且而家仲可以手機落單，仲有折嫁，真係十分之方便。海南雞，鮮黃色嘅雞皮，雞皮又爽又滑，連入面嘅雞肉，都唔會有冰鮮嘅味道，而且肉質紮實，又重雞味，點上特製嘅醬汁，份外滋味。鮮蝦炒粿條，啲蝦好大隻，而且又爽口彈牙，攞條份量好多架，最重要嘅係唔會炒得好散，而且又夠鑊氣，配料適中，入口滋味。沙嗲雞串燒，雞肉笑得恰到好處，唔會好乾身，入口依然水嫩，雞肉又滑，點上秘製嘅沙嗲醬，風味無窮啊。食完飯，就梗係要試吓佢哋特製嘅甜品啦，佢哋嘅椰糖豆漿湯圓，出邊真係好難搵得到㗎，一個豆漿，加上椰糖，而且仲會有芝麻湯圓，鍾意甜或者唔甜都得，豆漿熱辣辣，如果冬天食，更加充滿滋味。