姨婆瑪麗 (Closed)

筆者係香港人，成日去馬來西亞，食過不下十次怡保雞。見到香港竟然有得食，就帶著期待嚟。見到餐牌嘅時候有啲愕然，因為打頭陣嘅竟然唔係怡保雞河粉（係呀，怡保雞應該配河粉先正宗），而係好多香港地道車仔麵嘅配菜。好就好在有得食老鼠粉，但當老鼠粉唔係乾撈而係好似車仔麵咁浸喺味精湯裡面，已經完全冇馬來西亞嘅風味了。一個三送麵盛惠$38，半隻怡保雞$108。馬來西亞嘢嚟講，實在冇可能話唔貴。另帶一提，呢度只有三款凍飲，所以想食辣嘢嘅就留意下喇。然後令人嘆息嘅一個員工嘅服務態度。我哋叫咗好多碗麵，唔肯定嗰碗係咪我哋叫咗堂食蝦麵，問到佢究竟係咪蝦麵，佢冇直接回應，我哋以為佢嘅意思係嗰碗唔係蝦麵，後來發現佢拎咗碗蝦麵去打包。我哋再話蝦麵係堂食嘅時候，佢轉身話我哋：「自己講錯喺度話人！」但客觀嚟講，其他員工態度係ok嘅，怡保雞還可以啦。