Video
Read full review
2021-07-18
342 views
以往馬鞍山俾人既印象都係美食沙漠，今次依間cafe 一定唔會令大家失望！佢地既手工自家製意粉吸引左不少人慕名而來，不過座位較少，今次兩點鐘去到都要等9張枱😱記得入去先留位，佢地會係就有位既時候打電話俾你架😇《Green Tea Latte》（$50）抹茶味極濃郁，飲落就知落左好足料抹茶粉，好多時出面好多抹茶牛奶都另加糖令到飲落有啲甜，但依杯完全唔會甜，而且好香奶味👍🏻 雖然份量較少，但勝在熱辣辣，好香濃！《Chai Latte》（$42）比Matcha Latte相對淡D ，但好香香料味 ，茶味較奶味濃，聞落非常香，之後迎黎淡淡花香，可能加左玫瑰花，花香味cover左香料味既濃烈，飲落幾舒服。《意式傳統Carbonara手工意粉》（$98）一睇賣相已知落足料蛋黃汁🤤加入黑椒、煙肉條同芝士碎，蛋黃汁好rich😋整體覺得少少咸，但好好味，芝士俾想像中少，如果多少少芝士味會更滋味。但最值得讚係佢地主打既手工意粉，非常煙韌有咬口，超級好味😍 出面真係好少食到！《荷蘭Pancake配自家火腿》 （$98）Dutch Pancake 係比較少食到，所以見到menu有叫！ 佢加左玉桂蘋果、火腿同紅莓
以往馬鞍山俾人既印象都係美食沙漠，今次依間cafe 一定唔會令大家失望！佢地既手工自家製意粉吸引左不少人慕名而來，不過座位較少，今次兩點鐘去到都要等9張枱😱記得入去先留位，佢地會係就有位既時候打電話俾你架😇
《Green Tea Latte》（$50）
抹茶味極濃郁，飲落就知落左好足料抹茶粉，好多時出面好多抹茶牛奶都另加糖令到飲落有啲甜，但依杯完全唔會甜，而且好香奶味👍🏻 雖然份量較少，但勝在熱辣辣，好香濃！
《Chai Latte》（$42）
比Matcha Latte相對淡D ，但好香香料味 ，茶味較奶味濃，聞落非常香，之後迎黎淡淡花香，可能加左玫瑰花，花香味cover左香料味既濃烈，飲落幾舒服。
《意式傳統Carbonara手工意粉》（$98）
一睇賣相已知落足料蛋黃汁🤤加入黑椒、煙肉條同芝士碎，蛋黃汁好rich😋整體覺得少少咸，但好好味，芝士俾想像中少，如果多少少芝士味會更滋味。但最值得讚係佢地主打既手工意粉，非常煙韌有咬口，超級好味😍 出面真係好少食到！
《荷蘭Pancake配自家火腿》 （$98）
Dutch Pancake 係比較少食到，所以見到menu有叫！ 佢加左玉桂蘋果、火腿同紅莓醬，食落咸咸甜甜咁好特別，但個人中意食甜既pancake 多啲。個pancake 充滿蛋香味，蛋控既你地一定要試試👍🏻
《花華Scone配自家果醬及軟芝士》($28)
最近Scone真係大熱，好多Cafe都有自家製！因為太飽所以特地叫左Take Away😍花華既招牌Scone非常鬆軟濕潤，輕易分開一半，唔會鬆散開👍🏻內裡加入無花果乾作點綴，唔會太單調。配以無花果醬及Marscapone Cheese ，無花果醬清甜同鬆餅非常Match 😋 反而個芝士味道較淡，個人喜歡佢地既自家無花果醬🤪 個人認為Take Away抵食，堂食的話要$68😯
Post
