山海 (Closed)

有時家庭、朋友聚會，約咗一玩人入馬鞍山，晚餐想大家一齊食餐好啲嘅飯，之前一定係出返沙田區或者又一城。但呢一、兩年馬鞍山相繼開咗一啲有質素嘅餐廳，除咗之前we go mall開嘅粵菜-名都，最近响馬鞍山中心亦都開多咗間日本菜-山海。餐廳環境裝修以木為主，幾舒適，除咗基本刺身壽司之外，仲有其他串燒、熟食，而且清酒選擇幾多，價錢亦都合理。是晚叫咗壽司，手卷，池魚刺身，串燒，汁煮牛柳粒，全部合格，但最令人驚喜嘅係佢哋嘅蟹粥，煮到好綿，蟹味好出，極力推介。