Video
Read full review
2021-12-29
863 views
馬鞍山俾人講咁多年美食沙漠，近來終於見到多啲高質嘅餐廳！而家估唔到馬鞍山連高質壽司都有，終於唔使下下要出尖沙咀啦。有次搭車經過馬鞍山廣場一帶，見到佢地鋪嗰度開咗一間好似好高質嘅日本嘢，於是趁happy Friday就去嗰度試吓～呢個舖位好大，見到佢一半係壽司店另一半似乎係串燒店，不過佢哋嘅Menu似乎係相同嘅，所以入到去見到Menu上面都咩都有得食咁，有壽司刺身、壽喜燒、各種串燒、燒肉都有。環境方面，呢度裝修到好有誠意，感覺上都係高級嘅日本菜裝修。雖然佢嘅壽司好高質，但係佢個價位都OK，感覺比喺尖沙咀食平！10件左右嘅壽司都係$200到$300左右嘅價位，唔使去到$600食得高質壽司梗係唔少得食拖羅啦！我哋叫咗一個拖羅壽司set，另外再叫一個有松葉蟹又有大中拖嘅壽司set，另外竟然有拖羅面頰壽司，其實仲有腦天，呢啲部位平時好難食到！所以我哋一於叫一件試下，呢度加埋只需$650左右。上菜後忍唔住係咁影相，真係好吸引！擺盤亦都好靚，呢個拖羅set見到都口水流晒出嚟。佢嘅吞拿魚係本鮪，記憶中係眾多吞拿魚品種中最貴、體形最大既一種，因為身上既顏色，所以又名藍鰭鮪。本鮪5食set黎講，呢個真係好
有次搭車經過馬鞍山廣場一帶，見到佢地鋪嗰度開咗一間好似好高質嘅日本嘢，於是趁happy Friday就去嗰度試吓～
呢個舖位好大，見到佢一半係壽司店另一半似乎係串燒店，不過佢哋嘅Menu似乎係相同嘅，所以入到去見到Menu上面都咩都有得食咁，有壽司刺身、壽喜燒、各種串燒、燒肉都有。
環境方面，呢度裝修到好有誠意，感覺上都係高級嘅日本菜裝修。
雖然佢嘅壽司好高質，但係佢個價位都OK，感覺比喺尖沙咀食平！10件左右嘅壽司都係$200到$300左右嘅價位，唔使去到$600
食得高質壽司梗係唔少得食拖羅啦！我哋叫咗一個拖羅壽司set，另外再叫一個有松葉蟹又有大中拖嘅壽司set，另外竟然有拖羅面頰壽司，其實仲有腦天，呢啲部位平時好難食到！所以我哋一於叫一件試下，呢度加埋只需$650左右。
上菜後忍唔住係咁影相，真係好吸引！擺盤亦都好靚，呢個拖羅set見到都口水流晒出嚟。
佢嘅吞拿魚係本鮪，記憶中係眾多吞拿魚品種中最貴、體形最大既一種，因為身上既顏色，所以又名藍鰭鮪。
本鮪5食set黎講，呢個真係好抵，有齊大中拖、赤身，吞拿魚茸，仲有炙燒拖羅，只需188。
吞拿魚茸非常好味，加上少少豉油，夾上蔥花嘅香味，成件事非常夾，我真係好鍾意食吞拿魚茸。炙燒吞拿魚燒完之後肉味有少少火炙嘅香味，幾特別，不過吞拿魚我都係鍾意食生嘅！因為加熱左之後脂肪口感就無咁明顯。赤身方面，平價嘅赤身一般都係比較爽口，我鍾意呢一款赤身佢唔會有平時個鐘太過爽或者腥嘅味道，感覺上佢都有啲油脂喺度，口感軟腍地，好味！
至於中拖羅同大拖羅，好味就一定啦！中拖羅既有赤身嘅微微酸味，又有吞拿魚自己脂肪嘅油脂香味，兩樣撞埋一齊真係非常正！入口係滿滿嘅幸福感，非常新鮮。
大拖羅更加係更加昇華，入口脂肪即溶，成個口充滿着吞拿魚脂肪嘅鮮甜味，超級正，食完唔捨得飲茶！
面頰呢個矜貴部位唔容易係一般日本料理餐廳見到，呢度遇到佢真係令到我對呢間店嘅印象分大大增加！面頰肉通常就彈性較高、肉質爽口，但一般因帶有筋位，呢度嘅師傅就好聰明咁樣用火槍輕炙佢，食落就更好口感。呢個壽司我都好鍾意，但係唯一可惜嘅係紫菜太大塊，亦都因為佢嘅紫菜味好出面積大，有少少搶咗拖羅面頰自己嘅味道～
12件壽司拼盤亦都非常有誠意！松葉蟹肉份量好足，上面嘅蟹膏非常香，自從冇得去日本之後都好少機會食到松葉蟹膏，可以喺度食飯真係太好啦！
呢個set仲有大拖羅中拖羅，其他嘅魚都係高質素嘅魚，海膽壽司嗰隻海膽更加係毫不吝嗇地大，味道非常鮮甜，完全唔腥！338黎講性價比好高，食呢個set既朋友講呢個set既壽司都係全部好好味，好高質！
非常滿足嘅一餐日式小店，一定會再幫襯！
Post
