漢興茶檔

Open Now

Now Closed

返深工作，冇好似往常咁先停靠在上水石湖墟去「廣成冰室」或「陳六記飯店」，改為入咗粉嶺聯和墟，幫襯久違了嘅「漢興茶檔」。午市時段嘅「漢興」當然係人頭湧湧，點咗佢馳名嘅鹹牛肉蛋餅福麵，蛋餅煎得恰到好處，有燶邊，但個心就剛剛熟，蛋香鹹牛肉香交織在一齊。天氣太熱，好少飲凍飲嘅我叫咗杯凍奶茶少甜多奶，茶底好靚，好飲。滄海桑田，聯和墟近年的發展好快，十年前港味濃郁，楊千嬅陳奕迅主演的電影「每當變幻時」取景所在地「聯和市場」，已經變為四五十層高的巨廈。近年來，純港產片已逐漸如鳳毛鱗角成為瀕危品種，但是港產片在我的青少年時代帶給我的無限歡樂和對香港的自豪，就一生都不會改變。