樂香園咖啡室 (Closed)

又到午飯時間，今日比較晏食飯，所以可以去樂香園食，因為只要係繁忙時間都會好多人排隊，而今日2點先去就唔需要等位。一入到去一定會叫呢個滑蛋叉燒飯，雖然其他食物都好出色，但始終最中意都係呢個，而且唔使一分鐘就送到眼前，岩哂肚餓既我。雞蛋炒得非常鮮嫩，亦唔會好油膩，加上香味十足既蔥花，另外叉燒雖然比較偏瘦，但食落又唔會好嚡或硬，整體配搭一流，然後自己再加適量豉油調味，令味道更香。其實中環食飯本身已經唔算平，但呢個水準都只賣$36，非常推薦。