人和月雞煲火鍋店 (Closed)

🍲冬天最啱就係打邊爐，今次搵左呢間係尖沙咀海防道 地點超級方便嘅火鍋店🍲任食火鍋放題價錢由$298-$598,今次試左平平地嘅$298美國極品牛肉吃到飽先🥘頭盤四揀一，有麻辣雞煲，酸菜魚，韓式芝士雞同卜卜蜆揀。平時食得多雞煲 今次就揀酸菜魚。🐟酸菜魚超大盆 完全唔係頭盤size,魚片滑而無骨。辣度有得選擇，入面仲有金菇等配菜。🥢打邊爐會有另一個湯底 有8款揀，我地揀左藥膳養生牛奶湯。湯底藥膳味濃，應該都幾養生🤣淡淡牛奶味， 恰到好處。🐮肉方面先會試一盆肉，當中嘅牛下肩最好食 牛味夠重 肉質鮮嫩。無限量添加肉當中，推薦牛板腱同金錢展。🦐配菜選擇都唔少，可以自助係外面拎，亦可以order,不能錯過蝦滑同墨魚滑。🍹野飲比較特別嘅有自家製洛神花蜜，蜂蜜菊花茶，桂花烏龍。甜度適中，健康之選 飲多幾樽都唔怕。🍡記得留肚食甜品，有得自製鮮草芋圓，好少見放題有三色芋圓，仲有小丸子。口咸煙韌，放題黎講質素好高，我都食左兩碗。其他仲有豆腐花，芝麻糊，我試左豆腐花都好滑嘟嘟。