真姐港台美食

Open Now

Now Closed

放假又去咗駱駝漆行吓，嗰頭一向都人山人海。近入口位置有間小食店叫「真姐港台美食」，見好多人幫襯，買完仲直接企喺度食，相信質素應該有返咁上下😜。由於差唔多時間返屋企，所以我就決定買返去慢慢嘆，始終天氣仲係好熱🥵。小店門積唔大，不過所賣嘅食物款式都幾多，而且話明港台美食，香港同台灣嘅食品一應俱全。雖然係小食店，但如果講份量的話，佢一啲都唔少。外賣包裝企理，食物賣相吸引🥡。黃金炒飯($40)，我睇住老闆娘喺電飯煲裝飯出嚟再拎去炒🍚。炒飯好大盒，而且真係炒至金黃色，每粒飯都乾爽分明，難怪叫黃金炒飯💛。雖然唔係用咗好多料炒，🍳但蛋香好突出，都OK！爆料炒麵($35)，🍜炒麵堅係用足料炒，餸料將麵條覆蓋，包括各種蔬菜(茄子、四季豆、椰菜、紅蘿蔔同雜菇等)同肉碎，食落口感豐富。麵底係公仔麵，甚至可能係營多🤣？但最緊要夠惹味。牛雜($40/細)，小店嘅牛雜好出名🐮，一串真係唔夠食，要一碗就差唔多。細碗份量啱啱好，而且各個部位嘅比例好平衡，有齊牛腩、牛肚、牛肺、牛膀同牛腸等。佢哋炆得好入味，淋得嚟又有啲咬口，五香味恰到好處，唔會太苦或太重口味。煎釀三寶($30/8件)，呢度嘅煎釀三寶款式多，色彩繽紛🌈。