CHiLL-i (Closed)

觀塘嘅駱駝漆三期出咗名好多好嘢食，今次揀咗一間fusion 菜試下。🤩佢啲菜式好有創意，冇諗過有咁樣嘅配搭，但係味道又好夾！😝清蒸煙三文魚慕絲龍利卷甜柑忌廉汁 $78 🐟呢個係用龍利柳包住煙三文魚嚟蒸。魚唔會蒸得過熟，好滑。🤩個汁酸酸地，好開胃，好fresh😌上面加埋炸過嘅蟲草花，口感增加層次。同埋炸過嘅蟲草花烘焙味同魚好夾。👍🏻啱晒啲唔想食咁Heavy嘅人。蒜薑醬油 焰燒鮮三文魚壽司飯 $98🧄呢個有啲似蛋包飯嘅概念，將三文魚包住壽司飯。🍣炙燒過嘅三文魚魚油味好香，加埋特製醬油，味道好似燒汁。好有日本風味。🇯🇵玫瑰鮮奶咖啡🌹嚟到就已經聞到玫瑰嘅香味，咖啡面仲擺咗玫瑰花瓣。咖啡都好香，奶味濃郁。星辰大海 🌌你到嘅時候飲品顏色分咗兩層上邊係紫藍色下便係黃色。黃色係荔枝味，藍紫色係蝶豆花加七喜。好靚，好啱打卡。