KLN Cafe (Closed)

<駿業街街市特集1>糧尾同加上食南記+譚仔真係食到有d厭，走左黎無冷氣同裝修真係好up dum既#駿業街街市 尋寶，無計係#地產霸權 既#香港，無配套自然租平，租平自然野食平，行過呢間cafe真係眼前一亮，足以滿足我呢類#食裝修 既特種人士。呢間主打 #車仔pasta 既小店，唔知痴左邊條筋用左好多本錢係裝修，見佢冷氣仲用假天花裝住，裝埋flat screen 有電視,我就係度諗唔通d人放工過黎睇波? 不過見到前面果抬坐坐6、7個類designer/廣告業人士就係度諗，應該有得做既。講真，裝修，滿分。野食就可以好食少少，蒜味蕃茄汁牛肉帶子扁意粉一d蒜味都無（執著點比較新奇），沙律同我整既無分別（即係好普通），茶好濃。。唔知係咪飲緊功夫茶我明明叫earl’s grey.....但！埋數只係$5x,即係如果我唔懶係野扮健康叫沙律（生菜淨係得水無纖維點解我要叫,仲有麻醬既熱量）既話，埋單只要$4x,係#觀塘 呢個#新興偽中環 黎講，真係非常平。入去食個裝修都好抵，有幻想下午茶走過黎吞pok嘆杯咖啡影返張ig既朋友，事不容遲！