Video
Read full review
2022-09-01
354 views
係呀，又係北角滙😅😅幾鍾意呢個商場，食嘢行街都方便！今日就講下一直都有食開嘅「咖吔」。呢間舖其實坐得幾舒服，當然食午餐時間同星期日多外傭姐姐就另計啦！由門口到入面裝修同埋店員衣服都好東南亞feel！唔浪費時間，講下嘢食先🤣巴東牛肉配斑斕椰醬飯呢個一黎到就覺得好靚，綠色嘅飯配上巴東牛肉，食入口牛肉都夠淋同入味，唔會「痴牙」，個椰漿飯味道都好濃。地道老鼠粉呢個好香，老鼠粉即係銀針粉，入面有埋豬肉碎同魚乾仲有肉鬆撈埋一齊個味道好濃厚！不過個人覺得偏咸咗少少！海南雞飯拉喇沙米線呢個係推介，佢地嘅海南雞就算胸位置都唔「鞋」，無骨，雞油飯好香！但建議先食咗個飯再食喇沙，啱哂大胃口嘅人士！檳城蝦麵傳統檳城麵，配埋材料都好飽架，味道方面我就覺得個湯無喇沙咁香，不過都有蝦嘅鮮味！新加坡喇沙 米線/摻摻呢個我食咗好幾次，好欣賞佢地個湯好夠味，有啲似去咗新痴坡大排檔食嘅味道，用料都好足架，有哂魚蛋同蝦係入面，私心推介呢個！辣椒板麵配魚丸湯呢個麵質個覺得一般，唔知係咪未煮得淋咗啲，唔夠彈牙，但個辣醬同辣肉碎就夠哂味道，食完覺得濃味仲有個魚丸湯清清口感！桔仔甜梅水跟餐可以order一杯（不另收費），可以揀熱/凍
呢間舖其實坐得幾舒服，當然食午餐時間同星期日多外傭姐姐就另計啦！由門口到入面裝修同埋店員衣服都好東南亞feel！唔浪費時間，講下嘢食先🤣
巴東牛肉配斑斕椰醬飯
呢個一黎到就覺得好靚，綠色嘅飯配上巴東牛肉，食入口牛肉都夠淋同入味，唔會「痴牙」，個椰漿飯味道都好濃。
地道老鼠粉
呢個好香，老鼠粉即係銀針粉，入面有埋豬肉碎同魚乾仲有肉鬆撈埋一齊個味道好濃厚！不過個人覺得偏咸咗少少！
海南雞飯拉喇沙米線
呢個係推介，佢地嘅海南雞就算胸位置都唔「鞋」，無骨，雞油飯好香！但建議先食咗個飯再食喇沙，啱哂大胃口嘅人士！
檳城蝦麵
傳統檳城麵，配埋材料都好飽架，味道方面我就覺得個湯無喇沙咁香，不過都有蝦嘅鮮味！
新加坡喇沙 米線/摻摻
呢個我食咗好幾次，好欣賞佢地個湯好夠味，有啲似去咗新痴坡大排檔食嘅味道，用料都好足架，有哂魚蛋同蝦係入面，私心推介呢個！
辣椒板麵配魚丸湯
呢個麵質個覺得一般，唔知係咪未煮得淋咗啲，唔夠彈牙，但個辣醬同辣肉碎就夠哂味道，食完覺得濃味仲有個魚丸湯清清口感！
桔仔甜梅水
跟餐可以order一杯（不另收費），可以揀熱/凍，真材實料嘅，有原粒話梅同桔仔係入面，我覺得消暑幾啱！
椰子斑斕冰
呢杯係特別order黎影相🤣🤣🤣個樣好得意，成杯青bb，但估唔到斑斕味好夠喎，唔係用斑斕色上色就算，椰汁味都有，仲要係沙冰，好味！
其實呢間食午餐或下午茶都係好抵食，但每到中午時間就要等位，所以我次次都係早啲食唔洗排！
Post
