Video
Read full review
2019-03-19
665 views
一段時間冇寫食評，因耿耿於懷喺二月食咗餐非常之咁一流、咁高水準嘅一餐，但由於啲相唔喺我度，要個朋友send 返俾我先出得post 而pending 咗喺度。好喇，而家啲相俾咗我喇，我決心要寫一寫佢。講真，咁大個仔第一次自己行入去高級西餐廳食嘢，唔多唔少都會有啲期待。行入餐廳時佢基本嘅一啲高級餐廳應該都會有嘅景觀呀、擺設呀、服務呀咁我都已經有晒心理準備。但佢第一度攞出嚟嘅食品我就幾打個突，係幾塊薄片卡咗喺舊雲石上面，有啲好似pesto 嘅醬俾你搽嚟食。食-係唔錯，心思亦見。由於係檔次唔同嘅關係，食嘅時間相對都長咗，大慨幾個字後佢攞咗啲麵包嚟，另外仲有舊鯉魚形嘅檸檬牛油，好得意，味道都唔錯，但老實講，去唔到呢個餐廳應有嘅高度。又隔幾個字，頭盤嚟喇，鯔魚片配海膽，不得了，正到不得了，原來海膽可以咁新鮮，絕對冇出面食嘅臭味、即明礬味。但對於一間有級數嘅餐廳，唔用明礬係好合理喎。跟住又隔幾個字，普羅旺斯小麥窩．時令蔬菜．香草醬出場。呢個可以話係我咁大個仔食過最好食嘅素菜！味道我唔識講，只知當中落咗好多香料香草，配合出嚟又絕對和諧，做到你中有我、我中有你嘅境界。成日唔明北歐嘅飲食節目做嘅菜湯有咩好
一段時間冇寫食評，因耿耿於懷喺二月食咗餐非常之咁一流、咁高水準嘅一餐，但由於啲相唔喺我度，要個朋友send 返俾我先出得post 而pending 咗喺度。好喇，而家啲相俾咗我喇，我決心要寫一寫佢。
講真，咁大個仔第一次自己行入去高級西餐廳食嘢，唔多唔少都會有啲期待。行入餐廳時佢基本嘅一啲高級餐廳應該都會有嘅景觀呀、擺設呀、服務呀咁我都已經有晒心理準備。但佢第一度攞出嚟嘅食品我就幾打個突，係幾塊薄片卡咗喺舊雲石上面，有啲好似pesto 嘅醬俾你搽嚟食。食-係唔錯，心思亦見。由於係檔次唔同嘅關係，食嘅時間相對都長咗，大慨幾個字後佢攞咗啲麵包嚟，另外仲有舊鯉魚形嘅檸檬牛油，好得意，味道都唔錯，但老實講，去唔到呢個餐廳應有嘅高度。又隔幾個字，頭盤嚟喇，鯔魚片配海膽，不得了，正到不得了，原來海膽可以咁新鮮，絕對冇出面食嘅臭味、即明礬味。但對於一間有級數嘅餐廳，唔用明礬係好合理喎。跟住又隔幾個字，普羅旺斯小麥窩．時令蔬菜．香草醬出場。呢個可以話係我咁大個仔食過最好食嘅素菜！味道我唔識講，只知當中落咗好多香料香草，配合出嚟又絕對和諧，做到你中有我、我中有你嘅境界。成日唔明北歐嘅飲食節目做嘅菜湯有咩好飲，而家我終於明喇。跟住又隔幾個字馬賽魚湯送到，其實叫佢做湯係有啲過份，佢本身材料嘅豐富已經可以做主菜。或者我唔識啦。整體魚肉非常新鮮，魚肉質地亦分明，有結實彈牙嘅、有較鬆軟綿薄嘅，十分不俗。正當由當初驚唔夠飽到原來已經飽到十之八九時，聽聞呢度好出名嘅 Whole Camembert 金文畢芝士上場。Waiter 攞住圓圓一餅嘅芝士時，我仲以為係Cheese Cake 添。切到落碟時初嚐味道好好，淡淡嘅鹹香滲滿口腔，配以紅酒，一絕。可惜人力有時盡，食到一半已經再食唔落喇。你以為完？梗未啦。之後上一個西柚雪杷中和一下Camembert 嘅漏，跟住再嚟個法式冧酒配香草忌廉。呢個問心我覺得麻麻，或者我唔識飲冧酒，有啲苦。再再再之後送上一個小小嘅貝殼形蛋糕仔，正式為嗰晚嘅晚餐劃上完滿嘅句號。
對呢間西餐廳小弟評價十分高，由於係公司請客關係，我唔知價錢。但我相信平時食開呢類餐廳嘅朋友或者會評得更嚴謹。
8 views
0 likes
0 comments
鯔魚片配海膽
10 views
0 likes
0 comments
普羅旺斯小麥窩·時令蔬菜·香草醬
20 views
0 likes
0 comments
馬賽魚湯
36 views
0 likes
0 comments
金文畢芝士
14 views
1 likes
0 comments
西柚雪杷
9 views
0 likes
0 comments
法式冧酒配香草忌廉
12 views
0 likes
0 comments
14 views
0 likes
0 comments
Post
