又一間餐室 (Closed)

又黎食晚飯。今晚人比較多，好多都係一家大細黎食，真係好有飯堂的感覺，但坐得好舒服，一啲都唔迫，空間感好足。雖然侍應唔多，但做事好勤快。自助區白飯、中西湯和茶任飲任食，真係好正!我先飲個紅湯，真係好好味，非常輕微的麻辣味，飲完個湯成個口腔有少少麻的感覺，但唔會覺得唔舒服。我叫左一個豚肉生薑燒便當。豚肉的醬油味和生薑味配合得恰到好處，生薑唔會好辣，豚肉上的蔥又幫助豚肉的味更突出。不過值得注意的是餐牌上的圖片只供參考，因為我睇餐牌以為有菜食，後來就上左沙律。