竹料

Open Now

Now Closed

聖誕節朋友叫到會，試完之後覺得好味，今次專程去試試堂食。小店喺竹園夜市入面food court。只有吧枱幾個位，相信都係主。要做街坊生意外賣。試咗春卷熱狗，小食拼盤。仲有一個係老闆介紹嘅麻辣手撕雞腸粉，唔係成日都有。熱狗用竹炭包，熱狗腸用春卷皮包住炸，食落多咗脆口嘅層次小食拼盤附上3種自家製沾醬，芥末，wasabi同芝麻。咬落脆口，唔油膩。單骨雞翼好香牛油蒜蓉味。手撕雞唔鞋少少辣，配熱嘅腸粉都幾得意。平時通常會凍食撈涼皮，熱食配腸粉呢個配搭幾新鮮。老闆都幾友善，雖然佢喺廚房，都伸個頭出黎傾計，問下對食物有咩意見。可見佢十分重視客人意見同佢嘅食物質素。值得一讚！