Video
Read full review
2023-03-22
67 views
一個月一次老公帶我去左食omakase，揀左呢間位於北角馬寶道，店內座位唔多，一定要預約，今日都差不多滿座，我地今晚就揀左$980，性價比超高，好推介。Dinner每位都會送一壺清酒，味道甜甜地比較fruity易入口。前菜山葵漬准山，蓮藕漬，水雲，酒盜芝士配內臟九州長井生蠔海水味道濃郁，入口爽口，蠔味鮮甜。螢光魷魚師傅用火槍燒過表面，香味十足，一咬落去隻隻爆膏。帆立貝大大粒加左少少岩鹽，入口鮮甜爽口，加埋花一齊食更添香味。鰤魚厚切，肉質細緻幼嫩，加上師傅鮮磨嘅七彩胡麻，入口咸咸地充滿芝麻香味。磯煮鮑魚用左慢煮去烹煮鮑魚，肉質彈牙唔靭，連埋鮑魚肝醬一齊食味道濃郁。牙帶魚魚皮燒到香脆，肉質嫩滑。昆布滑子菇湯入口滑嘟嘟，味道清清地，飲番熱湯暖下胃。壽司深海池魚食落有少少煙燻味，層次豐富，肉質有彈性。赤六魚邊香口，肉質緊緻結實。大拖羅油脂豐富，入口即溶，完全無筋。吞拿魚腦天加赤身腦天係吞拿魚嘅天靈蓋，好稀有，師傅炙燒過再加埋赤身同脆口嘅紫菜，口感豐富。甜蝦三重奏蝦膏濃郁，甜蝦肉質彈牙，鮮甜無比。左口魚師傅話叫做消失的魚，要快d食，好好味，一入口即溶化，油脂好香。海膽杯Creamy，鮮甜濃郁，食
一個月一次老公帶我去左食omakase，揀左呢間位於北角馬寶道，店內座位唔多，一定要預約，今日都差不多滿座，我地今晚就揀左$980，性價比超高，好推介。
Dinner每位都會送一壺清酒，味道甜甜地比較fruity易入口。
前菜
山葵漬准山，蓮藕漬，水雲，酒盜芝士配內臟
九州長井生蠔
海水味道濃郁，入口爽口，蠔味鮮甜。
螢光魷魚
師傅用火槍燒過表面，香味十足，一咬落去隻隻爆膏。
帆立貝
大大粒加左少少岩鹽，入口鮮甜爽口，加埋花一齊食更添香味。
鰤魚
厚切，肉質細緻幼嫩，加上師傅鮮磨嘅七彩胡麻，入口咸咸地充滿芝麻香味。
磯煮鮑魚
用左慢煮去烹煮鮑魚，肉質彈牙唔靭，連埋鮑魚肝醬一齊食味道濃郁。
牙帶魚
魚皮燒到香脆，肉質嫩滑。
昆布滑子菇湯
入口滑嘟嘟，味道清清地，飲番熱湯暖下胃。
壽司
深海池魚
食落有少少煙燻味，層次豐富，肉質有彈性。
赤六
魚邊香口，肉質緊緻結實。
大拖羅
油脂豐富，入口即溶，完全無筋。
吞拿魚腦天加赤身
腦天係吞拿魚嘅天靈蓋，好稀有，師傅炙燒過再加埋赤身同脆口嘅紫菜，口感豐富。
甜蝦三重奏
蝦膏濃郁，甜蝦肉質彈牙，鮮甜無比。
左口魚
師傅話叫做消失的魚，要快d食，好好味，一入口即溶化，油脂好香。
海膽杯
Creamy，鮮甜濃郁，食完反轉個杯原來係富士山
秋田縣後文烏冬
蟹肉鮮甜，烏冬爽滑，好好食連湯都飲埋。
厥餅
我最中意食嘅，口感煙韌，味道唔會太甜。
Post
