自己友

Open Now

Now Closed

赤柱大部分都係貴價西餐廳，而呢度嘅價錢就貼地好多，就算平日都好多人幫襯，相信食物質素唔錯🙈我哋分別叫咗香煎海鱸魚加龍蝦汁($52)同埋香辣茄子肉燥($52)，兩款都揀咗配意粉🍝食物上枱後就隨即問你要唔要加芝士粉，作為芝士控嘅我當然好開心😆雖然龍蝦汁嘅顏色好茶餐廳，但見到隔離仲有啲椰菜就覺得幾有心思😝魚柳咬落微微脆，唔係上咗好厚粉漿再攞去炸，可以清楚咬到魚肉嘅嗰種質感，同一般茶餐廳同嘅魚柳都有啲分別，明顯厚肉有咬口好多👍🏻至於醬汁方面就唔好要求太多啦🤣至少撈意粉好好味，而且意粉唔會煮到過淋😋茄子肉燥個賣相都好吸引，有唔少大大粒嘅肉碎，醬汁都唔會落咗太芡🤩食落發現呢個配搭真係好夾！！！利申：呢篇真係唔係鱔稿😂嗰種香辣唔會令人覺得好刺激，而係超級惹味、愈食愈正🤪茄子亦都唔會因為走油而變得好油膩，又保持到靚靚嘅紫色，總括而言係色香味俱全嘅選擇😏