Video
Read full review
2020-12-24
74 views
約咗朋友喺大角咀食午餐，佢話要帶我嚟呢間餐廳嘆美味食物，仲話呢度非常經濟實惠。我哋叫咗兩個碟頭飯一齊食，一個係$68嘅「木盤金蒜開邊蝦炒飯」，另一個係$60嘅「黯然銷魂飯」。餐廳首先送兩個例湯俾我哋，今日係「粉葛煲豬骨」，出奇地美味，似係老火湯，後來師傅話煲咗幾個鐘；我哋連粉葛都食埋😁。跟住嚟「蝦炒飯」，上枱嘅時候我哋幾乎「嘩」咗一聲😆，賣相真係好掂，蒜蓉開邊蒸蝦鋪滿喺炒飯上邊，好靚，加埋金銀色嘅大碟，真係好吸睛😍；蝦肉新鮮，肉質非常結實，配蒜蓉蒸好香口，撈埋炒飯食更加好味。「黯然銷魂飯」有幾件厚肉叉燒，叉燒煮得好香，肉質軟熟非常有豬肉味，配埋隻荷包蛋撈飯食，超正，可能可以媲美電影「食神」裏邊周星馳嘅「黯然銷魂飯」😆。朋友同我都叫咗熱奶茶，幾滑幾香。呢度服務仲好好，應該有好多熟客，店員姐姐同好多客人都有傾有講；仲有，咁嘅價錢有咁高質素嘅食物，真係超抵👍。
我哋叫咗兩個碟頭飯一齊食，一個係$68嘅「木盤金蒜開邊蝦炒飯」，另一個係$60嘅「黯然銷魂飯」。
餐廳首先送兩個例湯俾我哋，今日係「粉葛煲豬骨」，出奇地美味，似係老火湯，後來師傅話煲咗幾個鐘；我哋連粉葛都食埋😁。
跟住嚟「蝦炒飯」，上枱嘅時候我哋幾乎「嘩」咗一聲😆，賣相真係好掂，蒜蓉開邊蒸蝦鋪滿喺炒飯上邊，好靚，加埋金銀色嘅大碟，真係好吸睛😍；蝦肉新鮮，肉質非常結實，配蒜蓉蒸好香口，撈埋炒飯食更加好味。
「黯然銷魂飯」有幾件厚肉叉燒，叉燒煮得好香，肉質軟熟非常有豬肉味，配埋隻荷包蛋撈飯食，超正，可能可以媲美電影「食神」裏邊周星馳嘅「黯然銷魂飯」😆。
朋友同我都叫咗熱奶茶，幾滑幾香。呢度服務仲好好，應該有好多熟客，店員姐姐同好多客人都有傾有講；仲有，咁嘅價錢有咁高質素嘅食物，真係超抵👍。
Post
