Penthouse (Closed)

好友生日 梗要帶佢食好野～ 米芝蓮推介餐廳配靚境 無得輸架～ 6:00 已經去到 可以影到靚景 不過就算之後坐到8成滿 都唔會覺得迫 空間感幾好～ 自家制麵包配香草醬～ 香草醬係好正 帶點檸檬汁配濃濃pesto醬 醒胃。Crab cake~ 聽聞係必食 抱著半信半疑既心態 因為我之前食過另一間餐廳係好腥好難食。不過Penthouse既 確實令我另眼相看。蟹肉食得出好新鮮 微微帶點鮮甜 一絲絲蟹肉 直頭同食緊蟹冇分別 正！配上三種醬料 牛油果🥑 芒果莎莎 蛋黃醬 各有風味 就算唔配醬都好好食。慢煮三文魚扒～ 依家係慢煮既世界 我自己都鐘意。三文魚終極嫩滑 入口好surprising. 配上Fregola 煙煙韌韌 口感豐富。而且醬汁係雜綿海鮮煮成 帶子蝦仁 粒粒新鮮彈牙 正～龍蝦意大利飯～ 海鮮控請注意！必食。龍蝦好鮮甜 好彈牙 勁新鮮。龍蝦汁煮成既意大利飯 香濃creamy 有咬口又唔會太硬。推介！呢度既環境同食物 真是好岩好姐妹談心。當然都見到好多情侶拍拖 哈哈。