Video
Read full review
2023-05-01
3190 views
位於尖沙咀北京道8號嘅香港朗廷酒店近日推出咗全新泰式自助餐，位置喺海港城附近好方便，出咗消費券喺附近shopping完，就梗係去刷餐勁慶祝吓。jmie遲吓先返泰國，就決定今次率先嚟到食呢一個全新嘅泰式自助餐晚餐，一解想念泰Food嘅心。呢個泰式自助晚餐內容勁豐富，海鮮冷盤種類勁豐富，波士頓龍蝦，螺肉，瑞典小龍蝦，長腳蟹，大蝦等等等等，仲有即開新鮮生蠔，各款海鮮冷盤都好新鮮！正呀！印度黃咖喱海鮮，同埋黃咖喱蔬菜都好特別，味道啱啱好。而泰式自助餐各款泰式沙嗲串都好好食呀，雞肉，豬肉，羊肉都好正啊，另外紅黃青咖喱都搭配左唔同嘅肉類煮， Jami好推介食黃咖喱雞，咖喱味香濃點埋印度薄餅一齊食，超級好味。泰式咖喱炒蟹，泰式辣椒膏炒蜆同埋泰式椰漿炒青口，呢三個係Jami嘅重點推介,泰式咖喱炒蟹超香，泰式辣椒醬炒蜆肉，粒粒蜆肉脹卜卜，一粒沙都冇，勁乾淨，而且鮮甜。而泰式椰漿炒青口，椰味香濃。青口肉質大大隻入口勁爽口又甜，真係好好味喔。泰式辣椒醬炒肉碎生菜包，廚師職場炒起肉碎熱辣辣連埋生菜食爽口，正。泰式清蒸魚，魚肉新鮮，酸酸甜甜，勁醒神！泰式粉麵可以自己Mix and match將自己鍾意食嘅材料，
jmie遲吓先返泰國，就決定今次率先嚟到食呢一個全新嘅泰式自助餐晚餐，一解想念泰Food嘅心。
呢個泰式自助晚餐內容勁豐富，海鮮冷盤種類勁豐富，波士頓龍蝦，螺肉，瑞典小龍蝦，長腳蟹，大蝦等等等等，仲有即開新鮮生蠔，各款海鮮冷盤都好新鮮！正呀！
印度黃咖喱海鮮，同埋黃咖喱蔬菜都好特別，味道啱啱好。
而泰式自助餐各款泰式沙嗲串都好好食呀，雞肉，豬肉，羊肉都好正啊，另外紅黃青咖喱都搭配左唔同嘅肉類煮， Jami好推介食黃咖喱雞，咖喱味香濃點埋印度薄餅一齊食，超級好味。
泰式咖喱炒蟹，泰式辣椒膏炒蜆同埋泰式椰漿炒青口，呢三個係Jami嘅重點推介,泰式咖喱炒蟹超香，泰式辣椒醬炒蜆肉，粒粒蜆肉脹卜卜，一粒沙都冇，勁乾淨，而且鮮甜。
而泰式椰漿炒青口，椰味香濃。青口肉質大大隻入口勁爽口又甜，真係好好味喔。
泰式辣椒醬炒肉碎生菜包，廚師職場炒起肉碎熱辣辣連埋生菜食爽口，正。泰式清蒸魚，魚肉新鮮，酸酸甜甜，勁醒神！
泰式粉麵可以自己Mix and match將自己鍾意食嘅材料，加入泰式濃湯好好味呀。泰式海南雞飯同埋豬手飯都強烈推介，食得出有泰國嘅感覺😎✨
最後千祈唔好錯過呢間嘅Dessert Station甜品部分，甜品種類，勁豐富，賣相好靚，而且精緻。
仲食到泰式千層糕，芒果糯米飯，好好味呀。
另外鍾意食榴槤嘅朋友記得食埋榴槤千層糕同埋榴槤忌廉泡芙，榴槤味濃，而且同甜品勁夾。
好特別嘅pancake Station,可以加上自己鍾意嘅生果，香蕉，芒果或者大樹菠蘿等等，整完嘅pancake仲可以加上唔同嘅醬料一齊食，真係泰正啦🤭🫰🏻
另外中式燉湯同埋西式餐湯都勁好飲，另外仲有燒牛肉同燒乳豬，水準一流，真係食到好滿足呀。
經Openrice 訂枱自助晚餐而家有91折扣優惠，快啲同班朋友一齊訂枱，去食呢間泰式風味自助餐啦。
Post
