新泰東南亞餐廳 (Closed)

餐廳既裝修好有泰國風情，用木製枱櫈夠特色。侍應都係泰國人。叫左日本南瓜焗海鮮飯($108)，鐵板蠔仔炒蛋($88)，馬沙拉咖哩雞($78)，印度酥餅($30)，椰汁西米糕($52)，椰青($42)。焗海鮮飯原個南瓜上枱，入面挖得好深，有大大隻青口，蝦，魷魚，南瓜，海鮮非常足料，有少少芝士係面頭，d飯應該係加左香料醃(?)，所以顏色係橙色。如果南瓜味更突出，會更好。南瓜焗得夠"林"，成個南瓜連皮食都冇問題。最值得讚鐵板蠔仔炒蛋。上枱個陣仲有煙出，鐵板燒得夠熱。炒蛋入面有好多好多大大隻既蠔，手指公既長度左右，好誇張，啖啖都食到蠔。仲有芽菜鋪係蛋下面，d芽菜有鑊氣味，good。抵食海鮮。幾乎枱枱既食客都叫尼碟海鮮。馬沙拉咖哩可以揀豬牛雞雜菜，咖哩唔辣，但唔係黃咖哩，食完唔會成個口都係香料味，好難得，因為次次食完東南亞咖哩，個口都會一陣香料味。入面有好多雞柳，至少10件。仲有薯仔，椒。侍應建議叫印度酥餅，食個陣有陣牛油味，之後加d咖哩冇咁乾。泰國特色甜品椰汁西米糕必試，有4件，上層係椰汁膏feel，下層係西米糕，加入粟米，木薯粒，好有口感，爽爽地，又好香粟米味。椰奶打左既cream咁，好cre