Video
Read full review
2020-09-25
461 views
經朋友推薦嚟咗呢一間樓上居酒屋🤤果然係冇失望非常之滿意!!我哋係即日先打電話黎book位 見佢都好多人 應該係好彩咁岩有位🤣建議大家都提早book咗先🤫.首先一嚟就俾咗個前菜我哋 (後面先知原來係要收錢嘅)不過不失不過唔值$40😕睇個餐牌佢有做set嘅一人前 但見佢串燒份量唔多所以我哋散叫.🎈黑松露薯條$68驚唔夠飽所以叫咗一份🤣.🎈左邊係西京燒鱈魚($58) 鱈魚feel到係質素不差 夾一舊出嚟之後係會見到佢應有嘅油份🤤個人覺得唔加沙律醬都已經好好食推介指數⭐️⭐️⭐️⭐️🎈右邊係荔枝豚肉卷($28)呢一個食法真係好特別😍佢係用豚肉入面包住左一粒荔枝所以成件事唔會太油膩一串仲要有三粒 我覺得性價比係非常之高🤤推介指數⭐️⭐️⭐️⭐️⭐️.🎈左邊蒲燒鰻魚 ($48)呢個鰻魚真係非常之有誠意因為我哋係坐吧枱嘅關係 所以睇到廚師由一條魚切落嚟再燒成而家咁樣🤤佢個汁亦都係非常之惹味🤤推介指數⭐️⭐️⭐️⭐️🎈右邊日本秋葵豚肉卷 ($42)呢個係唔少居酒屋嘅常見菜式而呢一度做嘅都不過不失 都夠惹味💁🏻♀️個人就覺得性價比唔係太高🤫推介指數⭐️⭐️⭐️.🎈牛肋骨($42)呢間嘅舖頭名都有寫明個雞字都估到佢可能雞肉方面處理會比較
果然係冇失望非常之滿意!!
我哋係即日先打電話黎book位 見佢都好多人 應該係好彩咁岩有位🤣
建議大家都提早book咗先🤫
.
首先一嚟就俾咗個前菜我哋
(後面先知原來係要收錢嘅)
不過不失不過唔值$40😕
睇個餐牌佢有做set嘅一人前
但見佢串燒份量唔多所以我哋散叫
.
🎈黑松露薯條$68
驚唔夠飽所以叫咗一份🤣
.
🎈左邊係西京燒鱈魚($58)
鱈魚feel到係質素不差 夾一舊出嚟之後係會見到佢應有嘅油份🤤
個人覺得唔加沙律醬都已經好好食
推介指數⭐️⭐️⭐️⭐️
🎈右邊係荔枝豚肉卷($28)
呢一個食法真係好特別😍
佢係用豚肉入面包住左一粒荔枝
所以成件事唔會太油膩
一串仲要有三粒 我覺得性價比係非常之高🤤
推介指數⭐️⭐️⭐️⭐️⭐️
.
🎈左邊蒲燒鰻魚 ($48)
呢個鰻魚真係非常之有誠意
因為我哋係坐吧枱嘅關係
所以睇到廚師由一條魚切落嚟再燒成而家咁樣🤤
佢個汁亦都係非常之惹味🤤
推介指數⭐️⭐️⭐️⭐️
🎈右邊日本秋葵豚肉卷 ($42)
呢個係唔少居酒屋嘅常見菜式
而呢一度做嘅都不過不失 都夠惹味💁🏻♀️
個人就覺得性價比唔係太高🤫
推介指數⭐️⭐️⭐️
.
🎈牛肋骨($42)
呢間嘅舖頭名都有寫明個雞字
都估到佢可能雞肉方面處理會比較好
但呢個牛肋骨係真係令我有少少失望
首先佢嘅醬料都係不過不失
但係肉質稍韌
對於呢個價錢我會有更高嘅期望😕
推介指數⭐️⭐️
.
🎈雞肝($28)
佢醬汁都算濃郁 肉質都唔算太差
如果要挑剔嘅話我會覺得佢雞油味唔夠多
但以呢個價錢來講我都會收貨🤫
推介指數⭐️⭐️⭐️
.
🎈鹽燒雞翼($32)
呢個對於我來講絕對係性價比之王
$32有兩隻咁大隻嘅雞翼
而且調味都好食 雞翼燒得唔會太老
加上檸檬調味絕對係一流🤤
推介指數⭐️⭐️⭐️⭐️
.
🎈左邊柚子芥末墨魚鬚($28)
本來覺得佢個配搭幾得意所以想試吓
對於我來講呢個配搭都幾新鮮
第一下識落係有驚喜嘅
但係食到後面嘅時候就會覺得佢柚子皮有少少苦澀🤦♀️
對我來講係覺得可以試一次但係應該唔會再叫
推介指數⭐️⭐️⭐️
.
🎈右邊日本小甜薯($22)
呢個應該間間都一樣味🤣
叫做正常發揮 不過不失
推介指數⭐️⭐️⭐️
.
🎈雞肉棒($42)
見到咁多人食呢個所以我哋都有叫
亦都係冇令人失望嘅一個選擇
佢個肉唔會太實 對我來講係恰到好處🤣
如果醬汁亦都係非常濃郁
絕對係我會叫完再叫嘅一道菜😎
推介指數⭐️⭐️⭐️⭐️⭐️
.
🎈美國安格斯牛柳($78)
佢係最後先上既 對於呢個價錢會令我對佢好有期待
但果然希望越大失望越大🤦♀️
落order嘅時候 我哋有講到要五成熟
嚟到嘅時候中間位置係五成嘅
但去到邊邊位就完全非常之韌😕
肉質亦冇想像之中好 第一啖咬落去已經有根🤦♀️
完全唔值呢個價錢😕
推介指數⭐️
.
最後我哋兩個人食埋單七百幾蚊😂
總體來講呢間餐廳係非常值得一去
但真係唔建議叫牛肉串燒
我哋比較鍾意食串燒所以冇叫佢個set
計返如果唔需要佢set裏面嘅煮食同埋小菜
可能散叫會比較迎合到自己嘅口味🤣
呢間高質嘅居酒屋係我絕對會回頭再回頭💁🏻♀️
Post
