小白鷺餐廳 (Closed)

小白鷺餐廳的確有啲遠，喺偶然嘅機會下，試到山長水遠先試到嘅小白鷺，叫咗一份牛排餐，$188加一，有湯有甜品。餐廳室外室內都可以坐，座位都好寬闊。喺一個蕃茄湯，有點兒偏酸。薯仔沙律份量唔大，味道一般。驚喜就係個主菜，牛排，佢配有薯蓉同豆角，薯蓉好creamy份量好大，豆角好新鮮只係有啲油膩。牛排就真係好正，又大件，好嫩口，其實都無問我哋要幾多成熟，目測有7成，一啲都唔靱。甜品係焦糖榛子醬味嘅蛋糕，為成餐做咗個好好嘅finishing。