La Mer Restaurant & Lounge (Closed)

呢間係由黃長興開嘅法國餐廳，聽個名都覺得高級，想去好耐，適逢有個好耐無見嘅朋友喺英國返嚟，所以我終於搵到個藉口嚟呢到食嘢😆嚟到嘅時候，見到有French May Menu，就直接叫咗兩份，留返啲時間嚟吹水敘舊仲好😘餐廳送咗個小食畀我哋，超可愛，上層係三文魚，下層係macaron，三文魚少少咸，配搭去甜滋滋嘅macaron到，估唔到又幾夾！一啖過食哂好爽，不過唔知有無得散叫㗎呢？法式鴨肉慕絲脆薯餅 一上枱已經聞到好香，係酥脆外皮嘅香味，雖然佢叫脆薯餅，但實際上似係上個酥多啲，即叫即整，新鮮熱辣夠酥脆。入面鴨肉份量適中，慕絲得嚟又保留到一絲絲鴨肉嘅texture，呢個我超like👍🏻露筍忌廉湯 賣相好得意，露筍、蕃茄、牛油果好似上咗架船咁😂 新鮮爽口嘅食材，配上creamy忌廉湯，一剛一柔，好有心思。威靈頓豬柳配青醬 威靈頓牛、羊我我都食過，豬真係第一次～呢到嘅豬呈粉紅色，嚇死我朋友，之後店員解釋因為豬柳係慢煮而成，所以顏色仲係粉粉嫩嫩😆 呢個main解釋到咩叫皮薄餡靚，豬柳超酥口，又啖啖肉，不過食得多都幾「漏」，我係食唔哂嘅🥺紅酒浸梨 呢個甜品配嘅唔係烚蛋，係雪糕嚟㗎🤣 梨肉充斥住香濃紅