板上 (D2 Place) (Closed)

星期六D2 Place One人流非常多，特別是下午1:00後，可能附近放工啲人去行街。而泊車方面亦爆滿，因車位不太多，一、二期都要排隊，所以揸車去的朋友要留意，消費$300有2小時免費，$500就有3小時，最多夾2張收據。(星期一至四之泊車優惠可能有分別的)餐廳主要集中在一樓及3樓，"板上"就在3樓。座位舒適度一般，而燈光方面比較偏暗。餐牌就在水吧的頭頂，收銀處亦有餐牌，顧客可先搵位，再到收銀處買餐，然後等叫number取餐。雖然餐的種類不算多，但品種都很合適香港人的口味，而且價錢亦大眾化， 所以餐廳都坐滿人，亦有很多外賣。蒲燒鰻魚定食，飯都是用珍珠米， 味道上算ok，鰻魚質感就"梅"咗少少，但都可以接受，飲品選擇咗特飲紅豆抹茶奶茶，所以要加多$10。板上雪花一口牛，餐稱高級，但牛肉就無牛肉味，飲品都是選擇特飲柑桔青檸梳打。大拇指雞翼是另加的，$8一份，一份4件，其實一隻雞翼在中間分開😏，炸得香口，都算抵食。定食的套餐份量不算大份，但以這價錢來說尚算ok，所以都好多人光顧。