大喜屋 (Closed)

而家放題開到成行成市，質素價錢都好參差，不過一分錢，一分貨呢個定律永遠不變，今日就同朋友去左間價錢屬較中高價既放題。裝潢佈局較為優雅，坐位尚算闊落刺身應該係必食之一吧，魚生非常新鮮，蝦味鮮甜，十分出色壽司全部細細舊，食多幾件都唔會飽，放心叫啦其他熟食種類非常多，為大家推薦幾樣自己覺得必食既野吧《西京燒海黃花》魚肉外面燒到微焦，入面嫰滑，魚油豐富《燒羊架》羊肉鬆軟，香草味完全掩蓋燥味《沖繩黑糖網燒牛仔肉》味道好特別，甜甜地既牛肉，牛味濃，中間呈現粉紅既牛肉，十分嫰滑，估唔到放題食物，火喉都控制得咁好《沙爹雞肉串》雞肉燒不一d都唔乾，配一個香濃沙爹醬，十分惹味《蒜片牛柳粒》牛柳鮮嫰多汁，夾埋脆蒜片，好配合炸物首推當然係芝麻雞亦，薄薄炸漿加嫰滑雞肉，完全做出外脆內軟既感覺，再加上芝麻，非常好味，不禁Encore左幾次《焗杜諾克BB骨》出於好奇而叫，原來就係豬肋骨隨左一般甜品外，每人仲會奉上高級雪糕一杯，有哈根大師或Milk Top唔見飲品櫃係咪好出奇呢，因為餐紙可以叫埋飲品，唔洗自己行出來行好，可以專心食野這就是服務吧