滝壽司 (Closed)

假期前嘆高級日本餐廳，以前去食lunch多，今次第一次食晚飯，午餐價錢抵食好多，平均每人$1,000。晚飯就貴多啲啲，但地方舒適乾淨、食物水準高及廚師好友善，所以都會成日去。揀咗廚師發板嘅「櫻」Sakura，$1,500一位，價錢由$1,400、$1,500、$1,700、最貴嗰款係$1,900，用OpenRice訂位有8折，餐廳本身加一，即成張單係9折。飲咗佢哋自己釀嘅梅酒，好特別，有果肉喺入面，可惜冇影相，好好飲，所以叫咗兩 round，另外仲飲咗兩支清酒。今次食飯經驗重點係，埋單時記得要查單！我哋兩個人食咗$4,618，兩個套餐再加4杯梅酒兩支清酒，飲酒嘅份量算多，埋單時已近12點已，醉醉哋都唔係好有意識查清楚就簽。到第二日酒醒，再打電話返去追問，晏晝12點打去，話會覆番我，到3點前我再打去，個經理話俾我聽佢check咗張單，係啱，因啲貨係啱啱入，所以條數係啱，但佢點貨條數啱，唔等於我哋有叫到。我堅持佢哋收錯，寫多咗兩支酒錢入去，我哋有影低個樽，我哋真係只飲咗4杯梅酒，兩支清酒，堅持之下，經理話自己退番$684蚊俾我。第一支清酒第二支清酒 Dassai 39，就係呢支計多兩支入單