Video
Read full review
2023-05-04
44 views
牛陣和牛邊爐一向都正，成日都食，原來依家有Premium牛陣添，主打套餐形式的高級涮涮鍋! 餐廳風格係日系以禪意簡潔為主，光猛簡潔，令打邊爐都有高級嘅感覺❤️❤️❤️環境格調真係令人坐得好舒服，好放鬆，鹿兒島縣A5和牛套餐 $689/人。呢個餐食完之後比我想像中抵好多，因為佢哋嘅牛全部都係好靚，呢個價錢自己買一定食唔到咁靚咁多嘅牛，性價比真係幾高✨❁ 湯底鰹魚湯味道也十分清，相當適合用來涮牛肉，清清地可以食到牛嘅香味。湯底用日本訂製和風紙火鍋✨好得意，能夠承受高溫加熱，有別於平時嘅煲，紙鍋能夠吸收多餘的油脂及雜質，食落都冇咁肥。❁ 季節前菜四品豆芝麻豆腐: 食落去甜甜地幾香三文魚子、帶子刺身: 好甜好好味生牛肉他他: 平時都好少食生牛肉，落左少少京蔥芝麻調味，細細粒肉質軟嫩海哲: 有檸檬汁調味，爽口清新❁ 安格斯白金牛舌就咁睇色澤靚、薄身，淥幾秒就熟，牛舌帶少少爽脆口感，捲上新鮮香蔥，更突出牛香。沾上少少柚子醋，味道更具層次。❁ 鹿兒島黑毛和牛牛肩胛、赤身肉牛肩胛同赤身嘅脂肪比較少，牛肩胛片，色澤就比赤身肉淺色，赤身食落肉質結實肉質實啲，肉質更濃郁。兩種肉都係好嫩滑，淥至剩少少粉紅色即可。❁
牛陣和牛邊爐一向都正，成日都食，原來依家有Premium牛陣添，主打套餐形式的高級涮涮鍋! 餐廳風格係日系以禪意簡潔為主，光猛簡潔，令打邊爐都有高級嘅感覺❤️❤️❤️
環境格調真係令人坐得好舒服，好放鬆，鹿兒島縣A5和牛套餐 $689/人。呢個餐食完之後比我想像中抵好多，因為佢哋嘅牛全部都係好靚，呢個價錢自己買一定食唔到咁靚咁多嘅牛，性價比真係幾高✨
❁ 湯底
鰹魚湯味道也十分清，相當適合用來涮牛肉，清清地可以食到牛嘅香味。湯底用日本訂製和風紙火鍋✨好得意，能夠承受高溫加熱，有別於平時嘅煲，紙鍋能夠吸收多餘的油脂及雜質，食落都冇咁肥。
❁ 季節前菜四品
豆芝麻豆腐: 食落去甜甜地幾香
三文魚子、帶子刺身: 好甜好好味
生牛肉他他: 平時都好少食生牛肉，落左少少京蔥芝麻調味，細細粒肉質軟嫩
海哲: 有檸檬汁調味，爽口清新
❁ 安格斯白金牛舌
就咁睇色澤靚、薄身，淥幾秒就熟，牛舌帶少少爽脆口感，捲上新鮮香蔥，更突出牛香。沾上少少柚子醋，味道更具層次。
❁ 鹿兒島黑毛和牛牛肩胛、赤身肉
牛肩胛同赤身嘅脂肪比較少，牛肩胛片，色澤就比赤身肉淺色，赤身食落肉質結實肉質實啲，肉質更濃郁。兩種肉都係好嫩滑，淥至剩少少粉紅色即可。
❁ 黑毛和牛板腱肉
這個部位有嫩筋、脂肪比例適中，食落有咬口、肉味濃郁，口感非常鮮嫩口感，同時食到牛肉嘅彈性！
❁ 特選 A5 鹿兒島縣產黑毛和牛西冷
今晚超級主角❤️✨脂肪紋理超靚，完美嘅霜降油花，一睇就知好貴! 咬落肉質軟綿嫩滑，入口即溶，邊位有脂肪真係好正。
8 views
0 likes
0 comments
3 views
0 likes
0 comments
❁ 蔬菜盛
超過10種蔬菜，份量好多好多唔會唔夠食。有羅白、蓮藕、雜菇、娃娃菜、南瓜等等，全部都好靚。
個餐仲有個小小嘅刨冰，食牛食到咁上下可以清一清解膩😉個餐可以揀烏冬或者蕎麥麵，自己覺得烏冬比較有口感好好食，蕎麥麵就感覺冇咁肥。
❁ 甜品
綠茶蕨餅配十勝紅豆小丸子，食完靚牛已經好飽，分量剛剛好。
Post
