饗和民 (康怡廣場) (Closed)

同朋友2個人收工係附近食飯，又唔知食咩好，畢竟平時返工食lunch已經係quarry bay食，最後決定食饗和民，因爲見有好多位。食饗和民有樣野煩就係個menu有太多野食，睇到人眼花繚亂，所以我地最後都係簡單d，叫左個豪華2人套餐，見佢好多野食，而且又唔洗煩。凱撒沙律 - 雖然寫半份，但分量好大。正正常常，無咩特別。5品刺身組合 - 吞拿魚、牡丹蝦有鮮味；三文魚正常；帶子略嫌遜色，帶點雪藏既味；三文魚子+蘿蔔蓉呢2樣好似唔太夾。天婦羅盛合 -  天婦羅又意外地炸得幾好，唔會話太多粉。和牛壽喜燒鍋 - 牛肉ok， 肉質都鮮嫩既。同埋本人真係好鍾意壽喜燒，所以野放落去煮都會加添一種清甜既感覺，蔬菜類就更明顯啦。原隻蒜味雞腿燒 - 呢個有驚喜！燒得岩岩好，外皮脆得黎有d焦香但一d都唔油膩，入面d雞腿肉鮮嫩多汁，正！水信玄餅 -  外表好精致，好似食得既水咁，本身無咩味道，加埋黃豆粉+黑蜜，令佢靚得黎又好食。 最後不得不提d上菜效率好快，但略嫌太快了，一次過上晒10道蔡，搞到d野好快就凍 晒，我地仲要有個鍋，所以建議下次叫呢個套餐既時候記住叫佢上菜上慢d。