Video
Read full review
2021-11-07
1438 views
神石燒牛扒水產專門店 呢間日式料理喺yaho mall入面，非常方便，去到門面已經覺得非常華麗，入面裝修簡單明亮，簡潔整齊。 入店時先揀套餐俾錢，再入內坐底等候。我就揀左日本A5佐賀和牛二人前套餐，就咁睇個份量已經知道非常大，有A5佐賀和牛、美國黑豚肉、厚切牛脷、美國黑安格斯牛膈肌、北海道珍寶帶子同日式炸蕃薯條，非常豐富。 店内湯，雜菜沙律同飯都係自己去裝，可以無限添加，一定滿足到你既需要。 熱切期待既二人前套餐終於到喇，無論視覺上同溫度上都非常震撼。首先份量就係滿滿既肉肉，再加上熱辣辣既石板，熱力四射，十分利害。 我當然先試A5和牛，在石板上輕輕一燒一反已經足夠，加上少少鹽同黑胡椒做調味，油脂入口即溶，肉質柔軟，非常享受。然後我慢慢將其他既肉切片，再放上石板再自己加工，要生D熟D自己調較。 美國黑安格斯牛膈肌脂肪比和牛少DD，但牛味濃郁，肉質亦非常淋軟，質素很高；厚切牛脷唔韌有咬口，味道咸淡適中；黑豚肉有濃濃豬肉味，肉質鮮嫩多汁，非常出色；帶子新鮮大大隻，要用刀叉食先最享受。 如果食到中途覺得太油膩，有少少滯，記住無限裝沙律仲有不同汁醬調味，絕對係解腻解油好幫手。 整體感覺非常滿意，
呢間日式料理喺yaho mall入面，非常方便，去到門面已經覺得非常華麗，入面裝修簡單明亮，簡潔整齊。
入店時先揀套餐俾錢，再入內坐底等候。我就揀左日本A5佐賀和牛二人前套餐，就咁睇個份量已經知道非常大，有A5佐賀和牛、美國黑豚肉、厚切牛脷、美國黑安格斯牛膈肌、北海道珍寶帶子同日式炸蕃薯條，非常豐富。
店内湯，雜菜沙律同飯都係自己去裝，可以無限添加，一定滿足到你既需要。
熱切期待既二人前套餐終於到喇，無論視覺上同溫度上都非常震撼。首先份量就係滿滿既肉肉，再加上熱辣辣既石板，熱力四射，十分利害。
我當然先試A5和牛，在石板上輕輕一燒一反已經足夠，加上少少鹽同黑胡椒做調味，油脂入口即溶，肉質柔軟，非常享受。然後我慢慢將其他既肉切片，再放上石板再自己加工，要生D熟D自己調較。
美國黑安格斯牛膈肌脂肪比和牛少DD，但牛味濃郁，肉質亦非常淋軟，質素很高；厚切牛脷唔韌有咬口，味道咸淡適中；黑豚肉有濃濃豬肉味，肉質鮮嫩多汁，非常出色；帶子新鮮大大隻，要用刀叉食先最享受。
如果食到中途覺得太油膩，有少少滯，記住無限裝沙律仲有不同汁醬調味，絕對係解腻解油好幫手。
整體感覺非常滿意，食物質素高，價錢合理，我推薦一試。
Post
