舍 (Closed)

想要一邊嘆靚海景又想食有質素既中菜就一要要黎依間係IFC既中菜館 - 舍菜單價錢唔算平，開得依個位就當然唔平架啦，不過以環境同食物質素計，絕對係物有所值。今日點左一份2人既Lunch set，入面包括十款食物，可以一次過滿足味覺上唔同需求🤤首先有桂花蜜燒鰻魚、胡麻醬烏珠荀沙律、黑魚子蝦多士鰻魚非常肥美，外皮燒得香脆，再加上淡淡桂花香味，味道濃厚之餘不帶油膩。烏荀晶凝通透，非常新鮮爽口，配上帶有微微芥辣味既胡麻醬，好開胃。蝦多士即場熱辣辣炸好，香脆可口，蝦肉爽口彈牙，值得一試！黑蒜螺頭炖湯，如果平時係鐘意中式湯品既人，依款湯就最岩，足料之餘火喉夠，所以材料既精華都融入湯中，一飲就飲得出師傅功力。XO醬炒帶子珊瑚蚌平時婚宴一定有既高級菜式，估唔到依度lunch都食到🤣帶子好大隻，連同爽到不得了既珊瑚蚌，簡直係絕配忌廉香草汁龍蝦伴伊麵一份有半隻龍蝦😱龍蝦有手臂咁大隻，超多肉，伊麵雖然係用忌廉汁，但係食落唔會覺得滯瑤柱貴妃雞雞肉嫩滑多汁，配上蔥油，用黎送飯一流羊肚菌浸時蔬闊佬炒飯炒飯粒粒分明，蛋香十足，作為咁多味菜既結尾岩岩好☺️