茶餐廳2.0 (Closed)

這間餐廳叫茶餐廳2.0,  原來2.0 就是將傳統茶記的食物變奏，變得環境高級一點，餐牌變得多款一點同變得中西合壁一點。由簡單的幾十蚊的茶餐到貴價$988的斧頭扒都有。連服務都比一般茶記好，不會有趕客的情況。既然是2.0，我當然不會只點普通的茶餐/晚餐，我點了一客法國藍帶豬扒，加$10 可以轉套餐，有餐湯及餐飲，加$25 仲有法式焗田螺。先要讚一下$25 的焗田螺絕不是敷衍貨式，份量大，田螺下仲有薯蓉墊底，賣相不錯，味道比其他西餐廳都差不太遠。而主菜法國藍帶豬扒，藍帶二字感覺高級，但頗為邪惡，用豬扒夾著火腿及芝士，份量十足，切開會見到滿滿的流心芝士，炸得香脆肉嫩，可配飯/意粉/薯菜。另一個主菜點了中式的鮮鮑魚石窩雞煲配白飯，石窩可以令熱度可以keep 得耐一些，鮮鮑魚有3 小隻，雞煲醬汁惹味，好送飯。兩個人食得咁豐富都只是二百多，十分抵食。