安南 (利園) (Moved) New Location

終於到第100篇食評了，一定要等到去一個比較好的地方來SHARE，今晚約咗D舊同學食飯，有人提議呢間安南，我未去過，試吓都好，係坐落於CBY 利園商場內，周圍都係名店......吾熟路都會有點難搵。我搭扶手電梯到3樓再行上一層 (其實有LIFT可直達)，有3間食肆(左中右)，因為燈光昏暗，差D入錯，這裡環境感覺不錯、乾淨，服務都幾好，我地6人散叫咗11樣嘢食。。。1. 南越咖喱牛筋腩---我沒有食，佢地話肉夠腍2. 安南春卷--- 好香脆，不錯3. 蒜蓉牛油雞翼---這個雞翼好食4. 墨魚餅---香口，熱辣辣5. 炭燒香茅豬扒---豬扒好腍6. 越式蟹肉炒粉絲---我覺得呢個好食，有蟹肉有雞肉，材料豐富7. 鮮蝦扎肉炒飯---這個都好食8. 馬拉盞炒通菜9. 香醋蜜椒牛仔骨10. 軟殼蟹米紙卷----呢個凍咗的11. 安南火車頭 (其實係湯粉)----味道幾好今晚我地都係叫D普通嘢，如果叫海鮮應該吾止每人$300，總而言之，呢度D食物質素幾好，賣相又好，食物夠熱，服務都OK，不過D侍應就有點欠缺笑容，有點COOL。。。