Video
Read full review
2024-02-24
1508 views
差唔多6:00去到酒店，酒店很好，安排了一張窗邊二人枱，很驚喜，可以望到尖東夜景食晚餐，望到尖東嘅夜景心情都靚啲，哈哈，講返食物先，日式刺身OK有馬刀貝帆立貝都唔錯，凍龍蝦都幾好，蝦膏都算甜美甘香，法國麵包係啲蟹膏都好甜，當晚有個燉湯淮山燉姬松茸呢個湯好正好清甜，食物整體上都OK嘅，但最特別係竟然有鴻福堂嘅涼茶飲仲有好多懷舊零食，雖然唔係咩貴嘢，但都好好玩，整體上今次酒店用餐感覺唔錯，起碼冇退步，呢個要俾個like不過喺食飯嘅途中就發生咗一啲唔係咁開心嘅嘢，不過呢啲嘢唔關酒店事嘅，酒店安排嗰張二人嘅窗口枱，其實位置都好正，離開沙律吧同攞燉湯嘅位置都係五呎左右，攞食物好方便風景又靚，喺我隔籬係一張圓枱，正確嚟講應該係叫做我嘅後面，當時坐咗一男兩女，其實有段安排嘅枱與枱都唔係話特別擠迫，不過喺我食緊嘢嘅途中突然間頭頂有啲凍嘅水灑落嚟，我回頭一望沒有乘客經過，因為我旁邊五尺左右已經係一個可以攞燉湯嘅地方，但係灑落嚟嘅水係凍嘅一定唔係熱湯，我又望吓會唔會係工作人員就收拾碗碟嘅時候有啲湯汁彈咗過嚟，但係又唔見有工作人員喎，咁我又意識到應該係後面嗰個人食嘢嘅時候冇心彈咗啲汁過嚟，不過冇受傷自己攞紙
不過喺食飯嘅途中就發生咗一啲唔係咁開心嘅嘢，不過呢啲嘢唔關酒店事嘅，酒店安排嗰張二人嘅窗口枱，其實位置都好正，離開沙律吧同攞燉湯嘅位置都係五呎左右，攞食物好方便風景又靚，喺我隔籬係一張圓枱，正確嚟講應該係叫做我嘅後面，當時坐咗一男兩女，其實有段安排嘅枱與枱都唔係話特別擠迫，不過喺我食緊嘢嘅途中突然間頭頂有啲凍嘅水灑落嚟，我回頭一望沒有乘客經過，因為我旁邊五尺左右已經係一個可以攞燉湯嘅地方，但係灑落嚟嘅水係凍嘅一定唔係熱湯，我又望吓會唔會係工作人員就收拾碗碟嘅時候有啲湯汁彈咗過嚟，但係又唔見有工作人員喎，咁我又意識到應該係後面嗰個人食嘢嘅時候冇心彈咗啲汁過嚟，不過冇受傷自己攞紙巾抹乾淨個頭就算啦，我諗人哋都係冇心嘅，一路都冇乜擺響心度，大家出嚟食飯都係想開心啫，OK食完晚餐離開座位，我先驚覺我掛喺我張凳背後件外套俾佢射到一pat pat白色嘅物體🥵（做乜咁興奮）喺啲半固體嘅物質，原來唔係淨係射到我個頭，連嗰件外套都射到，我諗呢啲白色物質係半固體嘅龍蝦膏（呢個係我估嘅）因為當晚我食龍蝦有啲蝦膏係半固體，再加上凍龍蝦你攞支鋼叉撩D肉嘅時候係好容易失手，因為隻龍蝦都幾爽彈，開頭我諗你射到我個頭嘅時候係冇心嘅，但係你射污糟我件外套明知又唔話俾我聽，就係故意我望一望佢哋喺度仲扮唔知，老實講我背後得你三條友喺度食飯同時又冇人可以行到入去我同佢哋之間嗰個位置，有都係佢哋自己行，你整污糟我件衫咁嘅情況，你應該早啲話我聽等我清潔咗件衫都好呀，（佢唔出聲可能驚我打佢掛）所以我覺得酒店食物同環境係高質嘅，但係啲客又cheap啲囉，整污糟我件衫扮唔知扮冇事，睇佢哋着得斯斯文文竟然係斯文敗類，咁我倒返轉諗好彩嗰日係做完運動去食飯我，件外套唔係貴價嘢污糟咗都冇咁心痛！
Other Info. :
其實後段發生嘅事唔關酒店事，只係想提下大家遇到咁嘅情況留意一下.。
(The above review is the personal opinion of a user which does not represent OpenRice's point of view.)
Post
