Video
Read full review
2022-12-31
165 views
九龍灣原來有高級法國菜，喺megabox五樓，無論環境、服務都好似fine dine咁，但係價錢相宜，平時食或者慶祝節日食都得，仲有多款紅白酒，價錢都好合理 ☺️我哋揀咗二人餐，$698，包四款前菜，兩款湯，同埋兩個main，份量好足👍🏻開頭好特別，會比兩粒蕃茄同一粒檸檬你自己切嚟食。首先加入少少檸檬汁落啲黑醋度，可以自己調校酸度，之後將蕃茄切成片或者粒，點啲汁食。蕃茄係意大利嘅有機蕃茄，口感會比較實，所以加入酸酸甜甜嘅汁，好好味。湯有兩款選擇，是日餐湯係青瓜忌廉湯，第一次試青瓜湯，原本擔心會好青草味，點知完全唔會，清清哋，幾好飲。而另一款係法式洋蔥湯，洋蔥湯入邊浸咗一塊多士，已經浸到𣺉晒入晒味，而洋蔥湯清清地甜甜地，都幾好飲。主食叫咗一款未食過嘅燉菜，叫傳統法式卡酥萊，入面加入五花肉，腸仔，白腰豆同埋菇，個湯底有少少似蕃茄湯，但係味道又唔一樣，係香港其他餐廳真係未必食到。另一款主食揀咗油封鴨配法式雜菜薯角拌香橙醬， 呢份嘅鴨好香，皮勁脆，非常香口，應該比較適合香港人食，不過香橙醬就唔係想像中嘅甜甜地嘅味，我就加咗黑醋拌嚟食，更加好味。最後忍唔住加咗份甜品，藍莓拿破崙，佢嘅吉士醬好多，塊
我哋揀咗二人餐，$698，包四款前菜，兩款湯，同埋兩個main，份量好足👍🏻
開頭好特別，會比兩粒蕃茄同一粒檸檬你自己切嚟食。首先加入少少檸檬汁落啲黑醋度，可以自己調校酸度，之後將蕃茄切成片或者粒，點啲汁食。蕃茄係意大利嘅有機蕃茄，口感會比較實，所以加入酸酸甜甜嘅汁，好好味。
湯有兩款選擇，是日餐湯係青瓜忌廉湯，第一次試青瓜湯，原本擔心會好青草味，點知完全唔會，清清哋，幾好飲。
而另一款係法式洋蔥湯，洋蔥湯入邊浸咗一塊多士，已經浸到𣺉晒入晒
味，而洋蔥湯清清地甜甜地，都幾好飲。主食叫咗一款未食過嘅燉菜，叫傳統法式卡酥萊，入面加入五花肉，腸仔，白腰豆同埋菇，個湯底有少少似蕃茄湯，但係味道又唔一樣，係香港其他餐廳真係未必食到。
另一款主食揀咗油封鴨配法式雜菜薯角拌香橙醬， 呢份嘅鴨好香，皮勁脆，非常香口，應該比較適合香港人食，不過香橙醬就唔係想像中嘅甜甜地嘅味，我就加咗黑醋拌嚟食，更加好味。
最後忍唔住加咗份甜品，藍莓拿破崙，佢嘅吉士醬好多，塊餅勁脆，好好味呀，如果大份啲就完美啦😆
Post
